شعـــــرونه

غزل/ عمر عمري

عمر عمري

راشنه یې شول په پلونو کې ګلونه د يو چا
راپاتې یې شول ماته، يادګارونه د يو چا

مدام مې د خيالونو په ټالونو کې ځنګېږي
هېڅکله به مې هېر نشي، يادونه د يو چا

که هر څو د زړه حال ورته وايمه نه یې اوري
زما په اند کاڼه دي، تصويرونه د يو چا‌

تعبير يې راته ښايه زما پيره! شوم بې صبره
ليدلي مې په اړه دي، خوبونه د يو چا

‌متل دی: «چې په چا يوازې کور، کلی ړنګېږي»
ويجاړ ښکاري په نشتون، عالَمونه د يو چا

طبیبه! د درمل لپاره ته څه پکې وايې!؟
رانجه به کړمه سترګو ته، ګردونه د يو چا

د خوږ وصال په تمه (عمري) هم ځکه ـ ځکه
په ځان تېروي ستړي، هجرانونه د يو چا

عمر عمري

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x