امریکا د ایران سپاه پاسداران د ترهګرو ډلو لست کې شامل کړل

نن ټکی اسیا (سه شنبه، ۲۰وری، ۱۳۹۸ل): د امریکا جمهور رییس ډونلډ ټرمپ د ایران سپاه پاسداران د ترهګرو لست کې شامل کړل.

ټرمپ تر دغه اقدام وروسته وویل چې ایران نه یواځې دا چې د ترهګرو ملاتړی هیواد دی بلکې سپاه پاسدران یې د تررویستي اعمالو د رهبري کولو دپاره، د ایران د حکومت اساسي آله ده.

د امریکا بهرنیو چارو وزیر مایک پیمپو ټولو بانکونو او سوداګرو ته خبرداری ورکړی چې له سپاه پاسدرن سره د راکړې ورکړې څخه ډډه وکړي.

دا په تاریخ کې لومړی ځل دی چې امریکا د یو بل هیواد پوځي ځواکونه، یوه ترهګره ډله ګڼي.

د ترهګرو په لست کې تر داخلیدو وروسته به د ایران د سپاه پاسداران ټولې داریۍ په امریکا کې کنګل شي او هم امریکايي اتباع نشي کولای چې له دغې ډلې سره راکړه ورکړه ورکړي.

د ایران ځواب

د امریکا تر اعلان وروسته ایران حکومت امریکا د تروریزم ملاتړی هیواد او امریکايي ځواکونه تروریستي ګروپونه اعلان کړل.

ایران د امریکا وروستی اقدام «غیرقانوني او بې عقله» کار ګڼلی دی.

د یادونې وړ ده چې د سپاه پاسداران انقلابي ځواک د ایران ځواکونو څخه دی چې په ۱۹۷۹ کال کې تر اسلامي انقلاب وروسته د  خمیني په امر جوړ شو. د سپاه پاسداران انقلاب اسلامي ځواک تقریباً ۱۲۵،۰۰۰ پوځ لري او په هوایي، بحري، ځمکني او د قدس ځواکونو تقسیمېږي.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
میلمه
میلمه
میلمه

تر ایران به امریکا یوڅه ښه وي، ځکه الله ج وايي چي تاسو ته به مشرکین او یهودان سخت او عیسویان به دوستان وی.