شعـــــرونه

د هلمند تازه غميزې ته!

فضل باري مشفق

د هلمند ځمکه لړزيږي
هلته جوړه زلزله ده
هلته پت د پښتون لوټ شو
په لاسو د يرغلګرو
هلته زما په ملالۍ خور
چې لاس پورته يرغلګر کړ
ته اسمانه ورته ګورې؟
او ولاړ يې نه نړېږې؟

هلته سره په وينو خلک
شهيدان دي او ټپيان دي
هلته کور ويجاړ ديوال ړنګ
هلته لوټې شتمنۍ دي
هلته کريغې دي ژړا ده
دعا ګانې دي ښيرا ده
او خبره د ناموس ده
او خبره د حيا ده

کليوال دي راوتلي
د ناموس غم کې ځوريږي
ورځ يې لمر ته کړله تيره
او سپيرې شونډې ګرځيږي
په هر رنګ کې رنګ د وير دی
ورنه تاو د غم ځنځير دی

د هغوی لا څه پروا ده
چې خياط دی خياطي کا
يرغلګرو ته نڅيږي
د وحشت يې ګلدوزي کا
هۍ رنګونه مو سپيره شه
او مخونه مو تبۍ شه
درنه پاکه دا نړۍ شه

ای د غرب بشر خوارانو
نن مو وار دی چې هر څه کړئ
دغه یو يو حسابيږي
دا زمونږه نه هيريږي
دا خبره لږ ښه واوره
چې افغان داسې ملت دی
چې غچ نه پريږدي هيچاته
ستا په وينو به تا رنګ کړي
کړي عبرت به دې دنيا ته

ان شاء الله
د امريکايي يرغلګرو د بشپړې نابودۍ په هيله

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
هوتک

دهلمند پتمنې خورې
ستاداسوي سوي چیغې
دالماس نه هم تیرې وې
کاڼي زړونه یې سوري کړل
یرغلګرو ظالمانو دلاس وتړل وشا ته
ستا وړو وړو بچیانو نارې چیغې کړې لالا ته
خو لالا یې هم شهیدؤ اوس فریاد وکړي وچاته
افغانی عسکر ولاړ دی ستا د چیغو ننداره کړي
داسې نه وایي چې ولې دا پردي خو ناروا کړي
دا بې ننګه بې غیرته ځان ته څنګه افغان وایي
د مولوی مجروحی صاحب له وال نه

Back to top button
1
0
Would love your thoughts, please comment.x
()
x