افغانستان

سرچینه: د قطر ناسته څو ورځې وځنډېدله

نن ټکی اسیا (چهارشنبه، ۲۱وری، ۱۳۹۸ل): ټاکل شوې وه، د قطر بین الافغاني ناسته د روانې اپریل میاشتې په ۱۴مه، ترسره شي خو قطر کې نن ټکی اسیا ته ځينو سرچینو ویلي، دا غونډه د څو ورځو لپاره ځنډېدلې ده.

د سرچینې په وینا ښايي غونډه د روانې میاشتې په شلم تاریخ ترسره شي، ځکه چې ورته پوره تیاری لا هم نه دی نیول شوی.

سرچینه زیاتوي تر اوسه د غونډې د ګډونوالو لیستونه برابر شوي نه دي او نه هم بلنې ورکړل شوې دي.

په ورته وخت کې د حکومت له لوري د «مصالحې شورا رهبري» چې نن په ارګ کې دویمه غونډه درلوده، هم د خبرپاڼې په خپرولو سره ویلي، دا غونډه ښايي د اپریل په «۲۱-۱۹» ترسره شي.

د مصالحې شورا چې د حکومت له لوري له ۳۷ کسانو جوړه شوې، ټاکل شوې وه د ۲۲ کسیز مذاکراتي ټیم له منځه به د قطر ناستې لپاره خپل پلاوی ټاکي.

د غونډې د ځنډېدو پر پورتني علت سربېره کابل کې د سیاسي ګوندونو، سیاسي څېرو او د حکومت له لوري د جوړې شوې شورا اړوند جنجالونه هم بې اغېزې نه بلل کېږي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close