فيسبوك، واټساپ او انسټګرام په ناڅاپي ډول کار پريښی

نن ټکی اسيا (يکشنبه، ۲۵ وری، ۱۳۹۸ل): د ټولنيزو رسنيو مشهورې پاڼې فيسبوک، واټساپ او انسټګرام په ناڅاپي ډول د نړۍ په بېلا بېلو برخو کې کار پريښی دی.

د فيسبوک اړوند ټولنيزې پاڼې (تر فيسبوک مالکيت لاندې پاڼې) نن د يکشنبې په ورځ ناڅاپي بندې شوي او يا هم ستونزې په کې ليدل شوي چې په اړه يې يو شمېر کسانو د ټويټر له لارې شکايتونه کړي دي.

Facebook, WhatsApp and Instagram down due to technical issue #FacebookDown #instagramdown #whatsappdownhttps://t.co/o066txLLty pic.twitter.com/B3nSmh8KgD

— The Mirror (@DailyMirror) April 14, 2019

دغه ستونزه د نړۍ په بېلا بېلو خواوو کې شوې خو اروپايي هېوادونه ډير اغيزمن شوي، همدا ډول په جنوبي اسيا او منځني ختيځ سيمو کې هم ياده ستونزه موندل شوې ده.

ياده دې وي چې څه موده وړاندې هم فيسبوک او ددې اړوند ټولنيزو پاڼو د څه تخنيکي ستونزو له کبله ناڅاپي کار پريښی و چې وروسته دغه ستونزه د فيسبوک لخوا حل کړل شوه.