د فيسبوک شريکانو د «مارک زوکربرګ» لرې کولو غوښتنه کړې

نن ټکی اسيا (يکشنبه، ۲۵ وری، ۱۳۹۸ل): د ټولنيزې شبکې مشهورې پاڼې فيسبوک شريکانو يا ونډه والو وړانديز کړی چې ددې شبکې مشر او بنسټګر مارک زوکربرګ له دندې لرې کړي.

د امريکا د ارزښتمنو پاڼو او بورس کميسيون ته ليږل شوې ليک کې دي چې “د دوه ګوني کلاس د ونډو د مالکيت حق زوکربرګ ته شپېته سلنه ونډه ورکوي، په داسې حال کې چې شورا آن د يوه خپلواک مدير په شتون کې هم د مارک زوکربرګ د صلاحيتونو د کنټرول محدوده وړتيا لري”.

دوی باور لري چې دغه وضعيت د فيسبوک مشرتابه او عمومي مديريت کمزوری کوي ځکه چې عمومي مدیر په شورا کې “خورا پیاوړی اغیز” لرلی شي.

همدا ډول د فيسبوک شريکانو ددغه ليک له لارې غوښتنه کړې ترڅو د مارک زوکربرګ پوسټونه يا ځړونې محدود کړي، ددوی په وينا دغه هم د فيسبوک عام مديريت کمزوری کوي.

نن د یکشنبې په ورځ د فيسبوک شبکې او ددې تر مالکيت لاندې شبکو؛ واټساپ او انسټګرام د يو لړ تخنيکي ستونزو له کبله په موقتي ډول کار پريښی و چې وروسته دغه ستونزه حل شوه.

د يادونې ده چې په تېره نږدې کې فيسبوک د يو شمېر ستونزو سره مخ دی، او په دې لړ کې يې مالک «مارک زوکربرګ» په ملياردونو ډالر جريمه او له نورو تاوانونو سره مخ شوی دی.

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د