نړۍ

د پاکستان د ماليې وزير داستعفا سربېره په کابينه کې نور بدلونونه شوي

نن ټکی اسیا (پنجشنبه، ۲۹وری، ۱۳۹۸ل): د پاکستان د ماليې وزير اسد عمر په داسې حال کې له خپلې دندې استعفا کړې، چې د دغه هېواد اقتصادي حالت له بحران سره مخ دی.

اسد عمر نن په خپل ټويټر پيغام کې ويلي، چې لومړي وزير عمران خان ترې د وزارت بدلولو غوښتنه کړې او د ماليې پر ځای يې ده ته د پيټروليم وزارت وړانديز کړی و، خو ده يې له منلو بښنه غوښتې ده.

اسد عمر نن په اسلام اباد  کې يوې خبري غونډې ته وويل، چې د پاکستان اقتصاد حالات ترينګلي دي او د ماليې راتلونکی وزير به هم له ګڼو ننګونو سره مخ وي.

صدر اعظم عمران خان د اسد عمر استعفا منلې او پر ځای يې د ګوهر ايوب په نوم د تحريک انصاف بل غړی د ماليې وزارت ته نوماند کړی دی.

د اسد عمر سربېره د پاکستان د فدرالي حکومت پنځه نور وزيران هم د کمزوري فعاليت او په چارو کې د سستۍ له امله له دندو ګوښه کړي دي.

په ګوښه شوو وزيرانو کې د اطلاعاتو وزير فواد چوهدري، د کشمير چارو وزير علي امين ګنډاپور،د پيټروليم وزير غلام سرور خان، د صحت وزير عامر محمود کياني او د کور جوړونې وزير طارق چيمه له خپلو وزارتونو ګوښه کړی شوي دي.

د پاکستان اپوزيسيون ګوندونو د عمران خان په مشرۍ د پاکستان حکومت ناکام، متکبر او له ضده ډک بللی دی.

د پاکستان پارلمان کې د اپوزيسيون مشر او د مسلم ليګ ګوند رئيس مياشهباز شريف ويلي، چې له لومړۍ ورځې د عمران خان حکومت ناکام و، خو د مشورو منلو پر ځای يې له ضد، تکبر او کينې کار اخيست.

د پاکستان د پيپلز ګوند مشر بلاول بوټو زرداري هم ويلي، چې د اسد عمر له استعفا سره اته مياشتې  وروسته حکومت پوه شو، چې  پاليسي يې غلطه وه.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
امین

دپاکستان اقتصاد به څنګه الله ښه کړی چی دوی خو داقتصاد ښه کولو لپاره دمجاهدینو په خرڅولو هم صرفه نده کړی ، دوی دمسلمان افغانانو په وینو یی هم صرفه نده کړی تر دی دی اقتصد بد غواړم له خدایه!!

Back to top button
1
0
Would love your thoughts, please comment.x
()
x
Close
Close