د طالبانو او امریکا خبرې اترې؛ ارشیف

طالبانو د قطر غونډې د ځنډېدو په اړه وضاحت وکړ

نن ټکی اسيا (جمعه، ۳۰ وری، ۱۳۹۸ل): ټاکل شوې وه چې د روانې ميلادي مياشتې په ۲۰-۲۱ نېټه په قطر کې د افغانستان د ستونزې د حل په موخه بين الافغاني غونډه جوړه شي چې تيره ورځ لغوه اعلان شوه.

په قطر کې د شخړو او بشري مطالعاتو مرکز مشر سلطان برکات په خپل ټويټر د يادې غونډې د ځنډېدو خبر ورکړ.

هغه ويلي وو چې ياده غونډه ځکه وځنډېده چې د ګډونوالو په سر اختلاف موجود وو خو د غونډې د ايجنډا په اړه کوم مشکل نه و.

طالبانو څو شيبې وړاندې د يوې اعلاميې په خپرو لو سره د يادې غونډې د ځنډېدو په اړه خپل وضاحت کړی دی چې د موضوع د اهميت له مخې ياده اعلاميه کټ مټ دلته نشر ته سپارو.

                                      د قطر غونډې د ځنډیدو په اړه د اسلامي امارت د ویاند وضاحت

د روانې اپریل میاشتې په شلم او یوشتم تاریخ په دوحه کې د بین الافغاني کانفرانس اهتمام شوی و چې اوس لغوه شو.
د دي موضوع په اړه لاندې وضاحت ضروري بولو:

۱ ـــ د روان میلادي کال د فبرورۍ په ۶ مه نېټه د ماسکو په کانفرانس کې فیصله شوې وه چې بل دا ډول کانفرانس به په قطر کې جوړیږي.

اسلامي امارت تر ننه په خپل هغه دریځ او وعده ولاړ دی، چې هغه ډول کانفرانس دې دایر شي؛ بلکې اسلامي امارت د قطر په کانفرانس کې د ماسکو د کانفرانس په پرتله د څوچنده زیاتو ښځینه او نارینه هیوادوالو د ګډون سره هم موافقه وکړه.
ټاکل شوې وه چې په کانفرانس کې به ګډونوال د افغانستان د قضې په اړه خپل خپل شخصي نظریات بیانوي؛ خو د کابل ادارې چارواکو هڅه وکړه چې له دغه کانفرانس څخه د کابل ادارې او اسلامي امارت ترمنځ د مذاکراتو غونډه جوړه کړي، هغه څه چې د کانفرانس له تګ لارې سره یې سمون نه خوړ.

۲ ــ د ماسکو په غونډه کې ګډونوالو په شخصي ډول برخه اخستي وه او د قطر راتلونکي کانفرانس لپاره هم له لومړۍ ورځې په همدې دریځ کار پیل شوی وه.

د کانفرانس تنظیمونکو او د قطر هیواد دا خبره په وضاحت سره کړې وه، حتی د ګډونوالو په بلنلیکونو کې یې هم واضح کړي وه چې د هرچا ګډون به په شخصي ډول وي؛ خو د کابل اداري مشر (اشرف غني او یوبل چارواکي عمر داود زي) په تکرار سره بیانونه خپرول چې ګواکې د دوی د خوښې کسان به د کابل ادارې په نمایندګۍ ګډون کوي، چې دا پخپله په واضحه ډول د یاد کانفرانس د ځنډیدو او سولې ضد هڅه وه.

۳ ــ څرنګ چې د کانفرانس ټول ترتیبات بشپړ شول د کابل ادارې چارواکو په ارګ کې مرموزې غونډې پيل کړې، د سرو کرښو او شرایطو خبره یې را مخې ته کړه، دعوه یې وکړه چې د یاد کانفرانس مشرتوب به هم دوی کوي، د ګډونوالو یو داسې لیست یې تیار او خپور کړ چې نه خو د قطر د غونډې له حال او مقام سره ښایېده او نه یې په غونډه کې د منل کیدو امکان وو، تر ټولو عجیبه یې داوه چې خپل ليست یې د کانفرانس له منتظمینو سره تر شریکېدو، تفاهم او موافقي وړاندي نشر کړ او په لوی لاس یې ګډوډي رامنځ ته کړه.

۴ ـــ په داسې حال کې چې د اسلامي امارت دریځ واضح دی، چې د مذاکراتو په سلسله کې به لومړی د مسئلې خارجي بعد حل کیږي او هغه له افغانستان څخه د ټولو بهرنیو اشغالګرو ځواکونو وتل دی او د کابل له ادارې سره چې بې واکه او شړیدلې اداره ده مذاکرات د وخت ضایع کیدل دي.

له دې دريځ سره سره مو بیاهم د قطر کانفرانس په ليست کې تر دیرشو تنو ډیر د کابل ادارې د سولې شوری غړي او نور مامورین ومنل او په مجموع کې د لیست اکثریت برخه د کابل ادارې اوسني او پخواني غړي او خواخوږي شول، چې په شخصي بڼه به یې ګډون کاوه، بل پلو په کانفرانس کې د اسلامي امارت لخوا یواځې د پنځه ویشتو کسانو ګډون په پام کې وو؛ خو بیا هم د کابل ادارې چارواکو د دوه نیم سوه کسانو په جوړ کړي نا انډوله ليست ټینګار کاوه چې دا مناسبه هڅه نه وه.

۵ ـــ د افغانستان اسلامي امارت خپل ځوریدلي ملت او نړیوالو ته ډاډ ورکوي چې د سولې په روانه پروسه کې اسلامي امارت پوره حوصله کړې، د محترم ملا برادر اخند په مشرۍ د سیاسي دفتر او مذاکراتي ټیم غړو شپه او ورځ خواري وکړه، زغم یې وکړ او تر اخري حده یې په خپل دریځ کې نرمښت و ښود؛ خو داچې د کابل ادارې چارواکو او پټو کړیو دا هڅه له خنډ سره مخ کړه مسئولیت يې هغوی ته راجع دی، د الله تعالی نصرت او د اولس ملاتړ به له موږ سره وي، د سولې دښمنان به په خپله پوه شي چې سهوه او اشتباه یې کړي وه.

۶ ــ په پای کې موږ له ټولو اشخاصو، جهتونو، خصوصا د قطر هیواد له درنو چارواکو د شخړو او بشری مطالعاتو د مرکز له مسئولینو او د هیواد دننه د سولې له مخلصو فعالانو څخه مننه کوو چې د دې پروسې په برخه کې یی مرسته کوله او تر اخره یې خپل وس وکړ الله تعالی دې ټولو ته اجرونه ور کړي، خصوصاهغه شخصیتونه چي دې کانفرانس ته یې د تګ تیاري وکړ، ځینو قدرمنو حرکت وکړ له ولایاتو کابل ته ور غلل حتي یوشمیریې دوحي ته ورسیدل موږ د ټولو د زحمتونو قدرونه کوو او دراتلونکو هڅو لپاره ښه حوصله ورته غواړو.

اسلامي امارت به د واقعي سولې د راوستو او افغان شموله اسلامي نظام ترقیامه پورې خپلې برحقې مبارزې ته دوام ورکوي،
ان شاءالله تعالی.

ذبیح الله مجاهد داسلامی امارت ویندوی
۱۴/۸۱۴۴۰هـ ق
۳۰/۱/۱۳۹۸هـ ش
2019/4/19م

د نن ټکی اسیا موبایل اپلیکیشن
avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Hidayat shinwaray
میلمه
Hidayat shinwaray

We can only achieve peace through unity and through peaceful means.
Unfurtunatly some inside and outside elements are seeking to create discord and division amongs afghans in order for them to achieve their own evil goals.
Peace should become a priority
to all afghan but only when could we could reach a durable and meaningful peace.
Our peace initiative should not be at the cost of our liberation but at the cost of freing our nation from theh oppressoon of the invaders.

الجاج استاذ بیانزی
میلمه
الجاج استاذ بیانزی

زما په اند د ټولو عامو او خاصو په اند: زمونږ هیواد په شکاره اشغال او ناوړه ، فاسده او غلامه اداره په وچ زور تپل شوی، پرون غلام کرزی او نن غلام غنی ورته کړنی ځکه ترسره کوی چه د کړنو دستور او قومانده له اشغلګرو ( امریکا ) تر لاسه او عملی کوی. خلک فاحشی ملامتوی چه ځان پلورنه کی هغه اودغه افراطی یا تفریطی کړنی ترسره کوی، د فاحشو د ملامتیا اصلی دلیل او عامل هماغه د اولی ورځی د فاحشی توب تصمیم نیول وو، وایی د ملغلری یوه حیا یا اب دی هغه چه والوزی بیا… نور لوستل »

داکټر مسعود مليار
میلمه
داکټر مسعود مليار

داسى بريښى چى د سولى او د هيواد د بچو د وينو توييدل ځنو سياسى خواوو ته هيڅ ډول ارزښت نلرى. دا په خاصه توګه هغه سياسيون دى چى خپل بچى يى په آرامو خوبونو کى د ژوند نه خوندونه اخلى. د سولى راتګ حتمى بريښي او د ميز ترشا خبرى د وخت اشده اړتيا ده. اوس وخت د سرزورى ندى. اوس د روغى وخت دى. د ښاغلى غنى لپاره مناسب وخت دى چى د ټولو ناخوالو سره سره د هيوادوالو غږ واورى او د سولى پروسى ته خنډونه جوړ نکړى او موجود خڼډونه له منځه يوسى. ژوند ډير ژر… نور لوستل »