د اشرف غني ساتونکو د «یو تلویزیون» مشر ډبولی

نن ټکی اسیا (دوشنبه، ۲غويی، ۱۳۹۸ل): د «یو» خصوصي تلویزون مشر عبدالله خنجاني وايي د اشرف غني ساتونکو نن غرمه مهال د ښار په منځ کې ډبولی او یو اطاق کې يې څه موده زنداني کړی و.

هغه وايي، له نورو خبریالانو سره يې یو ځای غوښتل چې د حکومت رسنیز تالار ته لاړ شي، خو زنبق څلور لارې کې د اشرف غني څلورو ساتونکو ډبولی، ټلیفون يې ترې اخیستی او څه موده يې اطاق کې ساتلی و.

خنجاني زیاتوي د عسکرو پلمه دا وه چې ګواکې له دوی مې تصویر اخیستی دی، په داسې حال کې چې په غیر قانوني ډول يې زما ټول وسایل پلټلي دي خو کوم ثبوت يې نه د موندلی.

خنجاني غوښتنه لري چې مسئله يې باید عدلي ارګانونو ته وسپارل شي او عدالت پلی شي.

په ورته وخت کې د ارګ ویاند هارون چخانسوري هم د پېښې پخلی کړی او زیاتوي چې له ښاغلي خنجاني يې بښنه غوښتې ده.

هغه دا هم وویل چې له عاملينو سره «به قانوني چلند وشي.»

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
سیدزرغون شاه آغا
میلمه
سیدزرغون شاه آغا

په افغانستان کی دیموکراسی دهمدی رسنیوله خوا باید پلی سی. تشریح سی. همدا رسنی مسولیت لری چی خلکو ته عامه پوهاوی ورکی.
نودا د رسنیو مسولین باید قربانی ورکی. وهل، ټکول، تحقیرول، توهینول، مرګ، ژوبله باید ومنی.