ماسکو د افغان سولې په اړه د درې اړخیزې ناستې کوربه توب کوي

نن ټکی اسیا (سه شنبه، ۳غويی، ۱۳۹۸ل): په کابل کې د روسیې سفارت ویلي چې ماسکو به په راتلونکو دوه ورځو کې د افغان سولې په تړاو د امریکا، روسیې او چین په شمولیت د درې اړخیزې ناستې کوربه توب وکړي.

غوڼده به د اپریل میاشتې پر ۲۵مه نیټه د خاصو استازو تر منځ وشي.

په خبرپاڼه کې ویل شوي چې د افغان سولې لپاره د امریکا خاص استازی زلمی خلیلزاد به هم په دغه غونډه کې ګډون وکړي، او د روسیې له لوري به ضمیر کابلوف نمایندګي وکړي.

زلمی خلیلزاد ددې تر مخه د افغان سولې په تړاو شپږ نړیوال سفرونه کړي دي او اوس تازه هم په نوي سفر را وتلی دی چې ټاکل شوې د طالبانو سره د لیدنې لپاره قطر ته هم ورسي.

په خبرپاڼه کې ویل شوي چې د امریکا او طالبانو تر منځ په دوحه کې د وروستیو مذاکراتو په اړه به هم بحثونه وشي.

د یادونې وړ ده چې طالبانو او امریکایانو د روان کال ۲۰۱۹ په مارچ میاشت کې ۱۶ ورځې مذاکرات وکړل چې له مخې يې پر دوه مهمو موضوعګانو باندي توافق شوی.
طالبانو او امریکایانو هغه مهال ویلي وه چې د بهرنیو ځواکونو پر وتلو توافق شوی او همداسي د افغانستان خاوره به د بهرنیو هیوادونو پر ضد نه کاریږي. خو لا هم د افغانستان د آینده نظام، اوربند او افغان حکومت سره د خبرو په اړه توافق نه دی شوی.

روسیې غوښتنه کړې چې امریکا باید د سولې په روانو هڅو کې دوی ته هم ځای ورکړي، تر څو په راتلونکې سوله کې د سیمه ییزو قوتونو او ګاونډیانو ټولې غوښتنې او ګټې خوندي وي.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
رامین صافی
میلمه
رامین صافی

این نشتست برای صلح افغانستان حیاتی و ارزشمند هست.
زیرا کشورهای ابر قدرت منطقه در این نشست حضور دارند، که به هر اتفاق که جهان روبه رو میشویم این کشورها در این اتفاق ها رول ارزنده دارن از هر لحاظ امنیتی،اقتصادی، و…