تېره میاشت کې نږدې ۱۱۵ تنو ځان‌وژنه کړې

نن ټکی اسیا (یکشنبه، ۸غويی، ۱۳۹۸ل): د عامې روغتیا وزارت چارواکي وايي، په تېره لمریزه میاشت «وري» کې شاوخوا ۱۱۵ تنو ځانونه وژلي دي.

د عامې روغتیا وزارت د رواني ډیپارټمنټ مشر بشیر سروري وايي، دا د سیمې د نورو هېوادونو په پرتله کمه شمېره نه ده.

دا چې ولې ځينې کسان د ځان ژولو اقدام کوي، ښاغلی سروري يې د نورو علتونو تر څنګ، جنسي ځور، رواني ګډوډي او کورنۍ ناندرۍ هم د عواملو په توګه یادوي.

نوموړي ماندګار ورځپاڼې ته ویلي، د دوی د معلوماتو له مخې ځانوژونکي هغه کسان نه دي چې اقتصادي کمزوري دې يې هم د علت په توګه یاده شي.

د هغه په خبره هغه کسان چې تېره میاشت کې يې ځانونه وژلي ډېری يې د شتمنو کورنیو کسان و، خو زیاتوي چې ځانوژنې کې رواني ناروغۍ ډېر رول لري.

د پورته عواملو تر څنګ له خواله رسنیو ناسمه ګټه، جبري ودونه او د خپل کلتور په اړه ناسم ذهنیت هم هغه څه بلل کېږي، چې ځینې ځوانان او پېغلې يې د ځان وژنې تر بریده رسولي دي.

تبصرې (1)

  • ځان وژنې به خلک څنګه نه کوی په هر کور
    د پردیو هندوانو سریالونه کتل کیژي
    ترکیانو سریالونه د انګریزانو د سریالو څخه کم نه دی
    تعلیم سته عصری دیني او پښتني تعلیم نسته تعلیم سته مګر کورنۍ او ښوونځي تربیه نسته
    دپخوانيو افغانانو تعلیم نه و مګر کورنۍ تربیه به یې داسې لرله چې تر ډیره به تعلیم یافته ترې متاثره کیدل
    ګراني له اسمان سره خبرې کړی په تجارانو کنټرول نسته د خلکو له زړونو د رب تعالی ډار وتلﺉ
    ودونه دومره ګرانه سول ځوانان چې د واده پیسې ګټي تر هغې پورې سر کې سپین ویشته پیدا سي
    فیصلې د مالدارو او زوره ورو په طرف کیژي
    دی ما خپل نظر مشوره طالبانو ته دا ده له دولته شوړیدلې ده
    طالبان که غواړی د ولس زړونو نور هم ورخپل کړی
    هغوۍ چې کله د چا فیصله ورکړی
    نو دوه طرفه دې ور وکړی دواړو طرفونه نه دې درې درې خپلوان وی په خبره یې ښه مطمینه کړﺉ بیا که کوم یوه نه منله شرعی حد په قایم کړۍ
    دووم.ودونه لپاره دونیم لکه افغانۍ بلکل جایز ولور ده که چا نه منله باید سر یې غوڅ سی
    دریم. طالبان چې کومه سیمه ونیسی دوۍ ته په کار ده سمدستی هلته خپل کتابونه وویشي