اسماعیل خان: که جرګه د اشرف غني د واک پر دوام ټینګار وکړي، سولې ته نه رسېږو

نن ټکی اسیا (سه شنبه، ۱۰غويی، ۱۳۹۸ل): د جمعیت اسلامي د رهبري شورا غړی او د تېر جهاد یو قومندان محمد اسماعیل خان وايي، که مشورتي لویه جرګه د اشرف غني د نامشروع واک پر دوام ټینګار وکړي، نو سولې ته رسېدل به سخت کړي.

هغه په هرات کې یوې غونډې ته وویل، د جرګې غړي باید عدالت په پام کې ونیسي او دې ته يې فکر وي، چې د اشرف غني واک د جوزا له لومړۍ وروسته مشروعیت نه لري.

هغه وویل: «که همدا نن دا اوسنۍ لویه جرګه دا چې حکومت عملاً مشروع نه دی، بیا هم د حکومت پر دوام ټينګار وکړي، باور وکړئ سولې ته نه رسېږو.»

جمعیت یو له هغو ګوندونو څخه دی چې دا جرګه يې تحریم کړې او ان له دولتي امکاناتو په استفادې يې د اشرف غني «خپله غونډه» بللې ده.

په ورته وخت کې د جمعیت اجراییه مشر او د بلخ پخواني والي عطامحمد نور هم اشرف غني ته ګواښ کړی چې د جوزا له پیله باید واک خوشي کړي.

روهي ویبپاڼې د یو ټلویزون د مرکې په حواله لیکلي، نور ګواښ کړی، که اشرف غني واک پرې نه ږدي، نو د ډاکټر نجیب پر برخلیک به اخته شي.

وړمه ورځ طالبانو هم روانه جرګه د ډاکټر نجیب د واکمنۍ په وروستیو کې یوې جرګې ته ورته بللې وه، چې د هغه له نسکورۍ يې دفاع ونه کړای شوه.

د چارو څارونکي او د دې جرګې مخالفین اشرف غني د واک د دوام پر هڅې او د سولې د روانې پروسې پر سبوتاژ کولو تورنوي.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالوا حد اڅګزۍ
میلمه
عبدالوا حد اڅګزۍ

دلویی جرګی جوړول دناپوهانواکثریت دۍ چه پراسلامی دفاع کونکو دکمونسټ او وطن فروش درژیم دفشاروسیله ده دامریکااوددغه رژیم هیڅ فرق نسته حتا تر امریکا هم بددی ولی چه دوی په افغانی شکل اولیباس کفاراوملحدین دی چه داسلام سخت سر سخته دښمنان دی،کفاراوس دجنګ دمصارفوتوان نلری پریب اوخطا یستوته یی ملاتړلی ده چه خپل جاهلا پخپله نفعه دجهادکونکوپه مقابل کی استعمال کړی.په احترام عبدالواحد اڅګزۍ