ارشیف

ننګرهار؛ ګډو ځواکونو د مېرمنو په ګډون نهو تنو ته مرګ‌ژوبله اړولې

نن ټکی اسیا (سه شنبه، ۱۰غويی، ۱۳۹۸ل): د ننګرهار ولایت په خوږياڼو ولسوالۍ کې بهرنيو ځواکونو د افغان ځواکونو په ملتیا پر ملکي کورونو چاپې وهلې او د دوو مېرمنو په ګډون يې نهو تنو ته مرګ‌ژوبله اړولې ده.

ځايي سرچینې وايي پېښه د دې ولسوالۍ په زاوه سیمه کې شوې ده چې اوه تنه يې وژلي او دوه مېرمنې يې ټپيانې کړې دي.

د سرچینې په وینا وژل شوي کسان چې د سیمې ځايي اوسېدونکي و، عبدالشکور، عبدالغفور، عبدالصبور، حنیف الله، سیف الله، قادر او یارمحمد نومېږي.

د ننګرهار ځايي چارواکي د ورته نورو ملکي تلفاتو په څېر د تازه پېښې اړوند هم څه نه دي ويلي، خو طالبانو پرې خواشیني ښکاره کړې ده.

طالب ویاند ذبیح الله مجاهد دا جنایت بللی او زیاته کړې يې ده چې ګډو ځواکونو خلکو ته درانه مالي زیانونه هم اړولي دي.

دا په داسې حال کې دی چې څو ورځې وړاندې هم «د روانې میاشتې پر شپږمه» د خوږیاڼو په فاتح خیرکي کې ګډو ځواکونو د اقتصاد پوهنځي محصل خالد، یو ښوونکی او ۱۱ تنه نور ملکي وګړي ووژل.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
منتقم منګل
میلمه
منتقم منګل

د سولی په نوم د خلیلزاد منافقت د سر وخوری ټول افغانان یی دربدره کړه.