ورزش

چمپينز ليګ نيمه پايلوبه: نن شپه محمد صلاح د ميسي پر وړاندې مخامخ کيږي

نن ټکی اسيا (چهارشنبه، ۱۱ غوايي، ۱۳۹۸ل): د اروپا اتلانو ليګ په دويمه نيمه پايلوبه کې د دوه سترو نوموتو لوبغاړو لوبډلې مخ کيږي چې د يوې سترې لوبې کېدلو تمه کيږي.

دغه سيالۍ چې د ليونل ميسي او محمد صلاح لوبډلو ترمنځ ترسره کيږي، نن شپه د افغانستان پر وخت په ۱۱:۳۰ بجې پېل کيږي.

د برسلونا او ليورپول لوبډلې دواړه په اروپا اتلانو ليګ کې په غوره حالت کې روانې دي چې برسلونا مانچسټر يونيټډ لوبډلې ته کواټر فاينل کې په ۴-۰ او ليورپول؛ پورټو لوبډلې ته په ۶-۱ ماتې ورکړې وه.

تېره شپه د نيمه پايلوبې په لومړۍ سيالۍ کې اياکس لوبډلې ټوتنهام لوبډلې ته په لومړي پړاو کې په يو-صفر ماتې ورکړه، ددوی ترمنځ به د نيمه پايلوبې دويم پړاو په ۹مه نېټه ترسره کيږي.

روان کال د محمد صلاح په پرتله ليونل ميسي غوره لوبغاړی ثابت شوی دی چې لوبډلې ته يې د لاليګا اتلولي وګټله، د کوپا دل ری پايلوبې ته وتلي او تر ټولو زيات ګولونه يې هم وهلي دي، خو د مبصرينو په وينا د دواړو ترمنځ ننۍ لوبه به خورا جالبه وي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x