ارشیف، د یو پخواني بمبار د وحشت کیسه

غزني؛ ده‌یک کې ګډو ځواکونو ۱۱ تنه ملکي وګړي وژلي

نن ټکی اسیا (شنبه، ۱۴غويی، ۱۳۹۸ل): د غزني په ده‌یک ولسوالۍ کې ګډو ځواکونو په عملیاتو کې ۱۱ ملکي وګړي وژل شوي او درې نور ټپیان دي.

د سیمې اوسېدونکي وايي، ګډو ځواکونو تېره شپه د نیاز کلا او سرانداز کلا سیمو کې چاپې وهلې او د ځاني تلفاتو تر څنګ يې دروند مالي زیا هم اړولی دی.

د غزني ځايي چارواکي هم یادو سیمو کې ملکي مرګ‌‌ژوبله مني، خو زیاتوي، د مېرمنو او ماشومانو په ګډون پنځه تنه ملکي وګړي يې وژلي، خو تر ۲۰ تنو زیات طالبان يې هم وژلي دي.

د غزني د والي ویاند عارف نوري وايي، یادو سیمو کې ملکي مرګ‌ژوبله د دواړو لوریو د جګړې په ترڅ کې اوښتې ده، خو طالبانو د ادعا بې اساسه بللې ده.

طالب ویاند ذبیح الله مجاهد پر ټویټر پاڼه لیکلي، ګډو ځواکونو ۱۱ تنه ملکي وګړي وژلي، درې يې ژوندي وړي او د ګڼو کورونو دروازې يې ماتې کړې دي، چې مالي زیان يې هم ور اړولی دی.

دا په داسې حال کې دی چې تر دې وړاندې هم د غزني د د اندړو ولسوالۍ اوسېدونکو د حکومت له لوري پيل شوي عملیات د ولس ضد عملیات وبلل او پر ملکي مرګ‌ژوبلې يې توند غبرګونونه ښکاره کړي دي.

د نن ټکی اسیا موبایل اپلیکیشن
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
محمدعباس
میلمه
محمدعباس

تاسو هم په لسو کی یوه پیښه پوست کوی
دمیدان وردګو ولایت دسیداآباد ولسوالی دشش قلعه په سیمه کی پوره دوه شپی وړاندی دګډو ځواکونو د عملیاتو په پلمه هم نهو تنو دماشومانو اوښڅو په شمول مرګ ژوبله اړولی وه