افغانستان

فراه: د ګډو ځواکونو د بمبار له امله درنه ولسي مرګ ژوبله رامنځ ته شوې

نن ټکی اسیا (دوشنبه ۱۶غويی، ۱۳۹۸ل): تېره ورځ د فراه ولایت د بکوا ولسوالۍ په یو شمېر سیمو کې د سختي بمبارۍ له کبله څه کم سلو ولسي کسانو ته مرګ ژوبله اوښتي ده.

د بکواه ولسوال عبدالغفورمجاهد وایې د بهرنیو او کورنیو ځواکونو په ګډ بمبار کې چې تیره ورځ د دغې ولسوالۍ په آشکین، چربک او نورو سیمو کې ترسره شوې؛ د۵۰ په شاوخوا کې ولسي کسان شهیدان شوي دي.

نوموړی زیاتوي، په وژل شویو کې د یوې کورنۍ شپږ غړي دي چې ښځې او ماشومان هم پکې شامل دي.

بل پلو د فراه امنیه قومندانۍ ویاند محب الله محب، دغه سخت بمبار تائید کړی چې په وینا یې د بهرنیانو په مرسته ترسره شوی، خو ادعا یې کړي چې په نښه شوي وګړي ټول طالبان دي.

د امنیه قومندانۍ دغه چارواکي دا هم ویلي چې په بمبار کې یې د نشیي توکو یو شمېر فابریکې هم په نښه کړي دي.

خو د سیمې عام خلک بیا دا ادعا پروپاګند بولي او زیاتوي چې د پیښې پر مهال، په یادو سیمو کې هیڅ وسلوال طالب شتون نه درلود.

ځایي خلک وایي، الوتکو د بکوا ولسوالي په نداشکین، چربک، پنجشنبي بازار، شنبي بازار، پلوشي، نیک محمد دکانو او سپين کاریز سیمو کي د ملکي خلکو کورونه، باغونه، او کروندې له یوې مخي تر سخت بمبار لاندي ونیول، چې په وینا یې له توپیر پرته یې هرڅه په نښه کړي او خورا دروند انساني او مالي زیان یې رامنځ ته کړ.

چي په وینا یې تراوسه د ښځو او ماشومانو په ګډون ۵۱ تنه شهیدان او ۲۶ زخمیان له خاورو او لوټو څخه را ایستل شوي، د خلکو په وینا ویره شته چې تلفات تر دې هم زیات شي.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالمالک همت

الهي څه وکړو پر ملک مو چنګيزيان واکمن دي غاور يې نسته پر کافر امريکايان واکمن دي پردو مو سخته په وژلو سينې يخي کړلې پر مال او سر مو څو بې پته رذيلان واکمن دي يو شمېر ارذال يې وجرګو ته ځي ملاتړ يې کوي وايي ډېر ښه دی چي پر موږ دا ټيټ کسان واکمن دي عالمان څه کوو چي موږ ته دين، غيرت را ښيي ښه دی پر موږ چي دا بې دين سيکولران واکمن دي موږ پر پيسو مين پيسې غواړو نور هيڅ نه غواړو خوښ يو پر موږ چي د ډالرو خاوندان واکمن دي خطاوتلي… نور لوستل »

الحاج استاذ بیانزی

وایی جرم چه ډیر او عمومیت تر کچی ورسیږی قانونیت تر لاسه کوی، امریکا کی له اوله قوی شراب ( لیکر ) جوړول ، خرڅلاوو او چښل بند وو عمومیت یی پیدا کړو قانونیت یی ترلاسه کړو، مروانه او چرس جوړول بند وو اوس یی قانونی بڼه تر لاسه کړه همجنسبازی بنده وه اوس قانوی یو له بله سره ودونه کوی ، په مظلوم بشریت باندی د امریکا او نوری استعماری تلوالی وحشیانه بریدونه عام شوی بمباردنه د تمرین له مخی کوی چه یو بم کی څه اچول شوی چه څومره کورونه کندواله او خلک وژنی یعنی د بمونو جوړولو… نور لوستل »

منتقم منګل

یا منتقمه ربه ته د کفارو ظالمانو بیړۍ چپه کړی.
هغه بوړګان دلالان چی تر څنګ یی ولاړدی هیڅ ضمیر وجدان ایمان غیرت نلری.
د خپل وطن په غیږ د پردو ګټو ته ژمنه
ایا دا د خپلی مور په سر سودا ده او کنه؟
ټول مسلمان ملت مسولیت لرو چی د خپلو بی وسه مسلمانانو وروڼو هر اړخیز دفاع او تعاون وکړو.

Back to top button
3
0
Would love your thoughts, please comment.x
()
x