د قطر سفر «اوومه برخه»

حفیظ الدین پيرزاده

یادونه:
ښایي زہ یواځینی کس وم چې په مجلس کې مې د ټولو ملگرو د خبرو یادښت لیکه خو د دې سرہ سرہ د ځینو ملگرو یادښتونه را څخه پاته شوي!

ما له پیل څخه د سفرنامې د لیکلو نیت ھم نه درلود بلکې ھغه یادښتونه مې د خپلو شخصي مالوماتو لپارہ را ټولول!

زما ارادہ داسې وہ چې دا لیکنه باید دوہ برخې ولري خو دا لړ‎ۍ د ملگرو د ډیر اصرار او تشویق له امله ھمداسې پسې وغځیدله او نه پوھیږ‎م نورہ به څومرہ وغځیږ‎ي؟!!!

له ھغو ملگرو څخه چې زہ یې د مجلس په جریان کې د خبرو پر لیکلو نه یم توانیدلی، په کمال د احترام عفوہ غواړ‎م!

ھیله دہ بښنه راته وکړ‎ي!!

د انجنئیر صیب محمد نذیر تنویر وینا:

د انجنئیر صیب خبرې ډیرې ژورې او د کار وې! استدلال یې ھم پر ایت او حدیث ولاړ‎ و.

د ھغه د خبرو مھم ټکي:

د ناورین پیژندنه:

انجنئیر صیب پخپله دې خبرہ کې په حقه دی چې وایي: موږ‎ باید د ھیواد ناورین چې ھغه یې شناسایي از بحران بولي، و پیژنو او بیا یې د حل لپارہ د مناسبو لیارو د پیدا کولو ھڅه وکړ‎و.

د انجنئیر صیب په اند اوسني حالات ھماغه د پیغمبر علیه السلام د وخت د احزابو جنگ ( د خندق غزا) ته پاته کیږ‎ي.

ھغه مھال د کفارو مختلفې قبیلې د اسلام پر ضد متحدې شوې وې او اوس ھم!

ھغه مھال ھم ټولنه په درې ډلو ویشل شوې وہ؛ کفار، منافقین او مومنین او اوس ھم!

ھغه وویل: څوک چې له اشغال سرہ مرسته کوي او ورسرہ په یو صف کې ولاړ‎ وي، د مدینې له منافقینو ( عملي) سرہ چندان توپیر نه لري!

د انجنیر صیب خبرې ډیرې وې خو د معضلې یا ناورین د حل په اړ‎ہ یې څلور نکتې ذکر کړ‎ې:

۱- د اشغال خاتمه
۲- له افغان خاورې پر بل چا عدم تجاوز
۳- د رھبرۍ د کدر او د علمي یا مسلکي کدر سرہ بیلول
۴- د افغانانو تر منځ تفاھم نه د افغانانو تر منځ سوله

د خپلې دریمې نکتې په تشریح کې وایي:

زموږ‎ روشنفکرې او تحصیلیافته طبقې پر وطن د راغلي ناورین څخه د خلاصون په مبارزہ کې رغندہ ونډہ نه دہ اخیستې. ډیري یې لا د اشغال په گټه د اشغال په خوا کې او د اشغال په خدمت کې د اشغال د عمر د ډیریدو لامل شوي.

نو ځکه دا خلک په ایندہ افغانستان کې د ز عامت لپارہ مناسب نه دي! موږ‎ باید د رھبرۍ کدرونه او مسلکي کدرونه بیل کړ‎و!

د رھبریت کدر باید د امارت وي او له مسلکي کدرونو څخه باید یواځې مسلکي کار واخیستل شي!

د انجنیر صیب موخه له مسلکي کدرونو څخه ھمدا روشنفکرہ ډله وہ!

د خپلې څلورمې نکتې په سپیناوي کې وایي:

بین الأفغاني تفاھم ته د بین الأفغاني سولی نوم ورکول ھم سم نه دی! دا جگړ‎ہ د افغانانو تر منځ نه دہ، بلکې د جگړ‎ې یو اړ‎خ افغان ولس دی او بل اړ‎خ یې اشغالگر او د ھغوی داخلي جمبوریان!!

انجنیر صیب په دري وغږ‎ید او ما یې خبرې په پښتو تعبیر کړ‎ې. ھیله دہ انجنیر صیب دا لیکنه وگوري او که کوم ځای مې ناسم تعبیر کړ‎ی وي، اوّل بښنه راته وکړ‎ي او بیا یې په اصلاح کې مرسته را سرہ وکړ‎ي!

د عبید الله عَلم صیب وینا:

علم صیب د لوگر د مرحوم جنرال صیب عبد المجید خان خو شیوال زوی دی! پلار یې د روسانو پر خلاف د سپیڅلي جھاد رښتینی اتل و.

مجاھد پلار یې علم صیب په یوہ داسې اسلامي روحیه روزلی چې د کمونستانو څخه یې اوس ھم ھومرہ بد راځي څومرہ چې زموږ‎ ترې د جھاد پر وخت بد راتلل!
ځکه خو یې په مجلس کې د خبرو په پیل کې وویل: ما تر اوسه له کمونستانو سرہ په لاس ستړ‎ې مه شي نه دہ کړ‎ې!!!

د خبرو ترکیز یې په دوہ نکتو و، ھغه وویل:

۱- لندن میشتي افغانان ھڅه کوي په ھیواد کې د یوې تلپاتې سولې لپارہ په لندن کې ھم د ھمداسې یوې غونډې د جوړ‎ولو کوربه توب وکړ‎ي!
په دې اړ‎ہ د مشرانو نظر څه دی؟

۲- ورپسې یې زیاته کړ‎ہ: ستانکزي صیب پخپلو خبرو کې وویل د ھیواد اویا سلنه خاورہ د امارت تر کنترول لاندې دہ او عواید یې ھم امارت اخلي.

نو آیا امارت د شھیدانو د کورنیو او یتیمانو پوښتنه کله کړ‎ې؟!

آیا بھترہ به نه وي چې د دې عایداتو یوہ برخه د ھغو بې وزله کورنیو مرستې ته ځانگړ‎ې شي چې د خپلو کورنیو سر پرستان یې په جھاد کې او یا ھم د یرغلگرو په بمباردونو او چاپو کې له لاسه ورکړ‎ي؟!

د امارت مشرانو دواړ‎ہ وړ‎اندیزونه مثبت و بلل او په اړ‎ہ یې د اقداماتو کولو ټټر وډباوہ!!

د حدید الله ذاکري صیب وینا:

ذاکري صیب ویښ او بیدارہ ځوان دی. په مجالسو کې وړ‎و نکتو او نیمگړ‎تیاو ته متوجه وي، پر خپل شاوخوا نظر ساتي او د کارونو تنظیم په داسې یوہ طریقه کوي چې ما غوندې ھفته پامي خلک یوہ ھفته پس ھم پرې نه پوھیږ‎ي چې دا کار یې څرنگ او کله تنظیم کړ‎!!
د بیلگې په توگه: د ھمدې مجلس د دایرولو او تنظیم په کار کې بې سارې ھڅې؛
د امارت مشرانو د مجلس د تصویرنو او ویډیو جوړ‎ولو اجازہ په پیل کې نه وہ ورکړ‎ې ذاکري د لمانځه او ډوډۍ په وقفه کې شیخ دلاور صیب، متقي صیب او نورو مشرانو ته لاړ‎ او د فرھنگي خدمت په بھانه یې ترې د تصویرونو اجازہ واخیسته!
دا اوس چې د قطر د مجلس تصویرونه په خواله رسنیو کې ښکته پورته کیږ‎ي، د ذاکري صیب کمال دی!

ھغه ډیرې خبرې و نه کړ‎ې ( زہ یې د ډیرو خبرو د لیکلو له سرخوږ‎ي خلاص کړ‎م)، خو په ټوله کې یې د کابل ادارې په سوله دښمنه پالیسۍ رڼا واچوله!
ھمدا راز یې له امارت څخه وغوښتل چې خپل ولس په اعتماد کې واخلي او د پاکستان او نورو گاونډي ھیوادونو په اړ‎ہ خپله تگلارہ په واضح ډول د خپلو خلکو مخې ته کیږ‎دي!

زما دویم شعر:

د ذاکري صیب له وینا پس، ستانکزي صیب ماته د دویم شعر ویلو بلنه راکړ‎ہ او ورسرہ یې راته وویل: گورہ ھسې نه دا شعر دې په موږ‎ پسې جوړ‎ کړ‎ی وي؟! د ستانکزي صیب په خوشطبعۍ ټول مجلس په خوشگوار موډ کې شو!
ما مائیک تر لاسه کړ‎ او دا ځل مې د پرون تر عنوان خپل شعر د مجلس گډونوالو ته واورولو!
د شعر له نشر مخکې بیا ھم درې لنډې یادونې:

۱- دا شعر ما ھغه مھال لیکلی و چې د کابل ادارې لوی غل، قطاع الطریق، غاصب او قاتل علي پور د سرور دانش په سپارښتنه بې له محاکمې بیرته آزاد کړ‎ی و.

۲- د امارت مشرانو ته پکې دا پیغام نغښتی و چې خپل ھغه اصالت په کلکه وساتي د کوم له امله یې چې خلک د بیا راتگ ارمان کوي.

۳- ددې شعر ویډیو کوم ملگري جوړ‎ہ کړ‎ې وہ، که چا سرہ وي او مھرباني وکړ‎ي یوہ کاپي یې ماته ھم را ولیږ‎ي او یا یې دلته په کومنټ کې کیږ‎دي، نو خوشاله به شم!

اوس نو دا تاسې او دا ھم شعر:

پرون

پرون راته جانانه بې حسابه یادیدې
پرون مې دې ارمان وکړ‎ په زړ‎ہ مې وریدې

پرون درپسې ټول کابل په سرو سترگو ژړ‎ل
پرون مو د عزت فرشتې لوڅې گډیدې

پرون د مړ‎ہ ملا یاد مې په زړ‎ہ کې شوله څړ‎یکه
پرون مې ھغه مړ‎ې جذبې له سرہ لړ‎زیدې

پرون یو څو چیت پوزو ټول نظام را مسخرہ کړ
پرون مو د ناموس لمن ته خاورې بادیدې

پرون مې د ھیواد بایللي برم پیغور راکړ‎‎
پرون مو د غیرت شملې له شرمه ټیټیدې

پرون مې زوړ‎ پرھار په بیکسۍ پورې خندل
پرون مې د کابل پر مخ تڼاکې ټوکیدې

پرون مې مټکور ته له زړ‎گي نه آہ وتلی
پرون مې په بې وسه ولس اوښکې بھیدې

پرون مې مفکر ته دا د حال په ژبه وویل
چې خر مھار کوی نه شې، پرې ولې سپریدې؟!

پرون مې ویل طالبه! رب دې ژر راوله یارہ!
نور ستا په انتظار کې مو زارې و چاودیدې
___________________________________________

د مجلس د اختتام خبرې او تحفې:

( دا لړ‎ۍ ادامه لري )