شعـــــرونه

غزل: جانان خدرخېل

جانان خدرخېل

زموږ ګرېوان ته یې را واچول د جنګ لاسونه
چا ظالمانو راته یو کړۀ ټول بد رنګ لاسونه

قدر یې وکړئ قرباني یې د ستایلو وړ ده
د محبت په لمبو سوي د پتنګ لاسونه

خدایه! یوې مړۍ ډوډۍ پسې مو مۀ مړۀ کوه
ستا دا پراخه دُنیاګۍ او زموږ تنګ لاسونه

که سره یو ځای شي خوشبو به یې جهان وګوري
ستا ښایسته بخمل ټټر ، زما لونګ لاسونه

څۀ عجیبه ده اتل هم دی، شهید هم یادېږي
د خدای حضور ته وړي د ورور په وینو رنګ لاسونه

چې څومره ډېر خلک یې ووژل هغه خلک دي
پاچا یې ونیول تر ټولو خلکو دنګ لاسونه

د وطن غم دی “خدرخېل” غریب به خود ګرځوي
لکه ملنګ څیرې ګرېوان او داسې ړنګ لاسونه

۱۳۹۸/۲/۱۱

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ابونظام خوستی

که سره یو ځای شي خوشبو به یې جهان وګوري
ستا ښایسته بخمل ټټر ، زما لونګ لاسونه

ډیر په زړه پوری
خدرخیل صاحب په ګوتو مو برکت شه

Back to top button
1
0
Would love your thoughts, please comment.x
()
x