د کرېکټ بورډ رئيس «عزيزالله فضلي» له مرګونې بريد روغ وتلی

نن ټکی اسيا (جمعه، ۲۷ غوايي، ۱۳۹۸ل): د افغانستان کرېکټ بورډ عمومي مشر عزيزالله فضلي په کابل کې له مرګونې بريد روغ وتلی.

د راپورونو له مخې د کرېکټ بورډ په عمومي رييس نن د جمعې په ورځ د ماسپښين په ۲:۳۰ بجې په کابل ښار کې هغه مهال چې نوموړی دفتر ته پر لاره و د نامعلومو وسلوالو لخوا ډزې وشوې خو نوموړي ته هيڅ ځاني زيان نه دی رسيدلی.

عزيزالله فضلي پر خپله فيسبوکپاڼه د يادې پېښې په اړه ليکلي چې د ماسپښين ۲:۳۰ بجې د دفتر په خوا روان و چې د نامعلومو وسلوالو لخوا کوم چې په هايلکس موټر کې ناست وو د اولې حوزې ساحه کې پر دوی بريد وکړ  خو د امنيتي ساتونکو لخوا يې مخه ونيول شوه او دوی روغ رمټ ستانه شول.

https://m.facebook.com/story.php?story_fbid=2749054295135708&id=100000934926490

د نوموړي د وينا سره سم چې دغه کسان اوس د پوليسو په ولکه کې دي او له دوی څخه څيړنې کيږي چې څوک وو او د بريد هدف يې څه و.

د افغانستان کرېکټ ملي لوبډلې نوي مشر ګلبدين نائب هم په خپله ټويټر پاڼه ياده پېښه په سختو ټکو غندلې ده.

د يادونې ده چې د تېر ۲۰۱۸م کال په سپتمبر مياشت کې د افغان ولسمشر اشرف غني لخوا عاطف مشعل ګوښه او پر ځای يې عزيزالله فضلي رئيس وټاکل شو.

فضلي په تېره نږدې کې د خپلې مشرۍ پرمهال يو شمېر بدلونونه راوستي چې لومړی يې د اجراييه رئيس شفيق ستانکزی له دندې لرې کړ او بيا يې اصغر افغان له هر ډوله لوبډلمشرۍ ګوښه او پرځای يې بېلا بېل نوي مشران وټاکل.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د