غزل: محمد عليم بسمل

محمد عليم بسمل

دغو حالاتو په ایمان لیونی کړی یمه
بمبار بمبار افغانستان لیونی کړی یمه

چې بیا په لپو کې را ټول نکړو مازغه د ماشوم
ژونده! زه دغسې ارمان لیونی کړی یمه

د افغانۍ پیغلې غیرت، جهاد فرض کړی پر ما
په خدای که حورو او غلمان لیونی کړی یمه

غربت ذلیل کړم، پردو مړ کړم، بې کسۍ کمزوری
غمو سپین ږیری کړم، جانان لیونی کړی یمه

چې مې را پاڅوي سحر د آزادۍ لمانځه ته
بسمله! داسې یو آذان لیونی کړی يمه

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
غازی
میلمه
غازی

ښکلي شعرونه دي