شعـــــرونه

غزل؛ جانان خدرخېل

جانان خدرخېل

زموږ دُعاوې هم تاثیر نۀ کوي
نور دې د زړۀ زخمونه ویر نۀ کوي

دا مړه! داسې لېوني دي پاچا
چې هیڅ پروا دې د ځنځیر نۀ کوي

څوک دې زیارت نه اولاد نۀ غواړي او
د خدای کارونه دې په پیر نۀ کوي

تۀ دې دا خپل لېوني سپي وتړه
نورې ښېراوې به فقیر نۀ کوي

ښه نو زۀ څۀ وکړم؟ ځه تۀ ووایه
چې قناعت زما ضمیر نۀ کوي

عسکر پوهېږي چې غلط روان دی
اطاعت ځکه د امیر نۀ کوي

سم مشر نۀ دی “خدرخېله” هغه
چې سم کارونه یې وزیر نۀ کوي

ــــــــــــــــــــــــــــــــ
#جانان_خدرخېل

۱۳۹۸/۱/۳۱

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close