هند د افغان سولې په تړاو خپل دریځ بدل کړ

نن ټکی اسیا (جمعه، ۳غبرګولی،  ۱۳۹۸ل): د ګډ حکومت نږدې ستراتېژیک ملګر «هند» د افغان سولې په تړاو له هغه دریځ په شا شوی چې له مخې یې باید سوله د افغان حکومت په رهبري شوې وای.

د هند د بهرنیو چارو وزېرې «سوشما سواراج» نن د شانګهای په نړیوال کنفرانس کې غونډې ته د وینا په مهال وویل « هند د افغان سولې اړوند له هرې هغې پروسې ملاتړ کوي چې افغانستان د یوه  سوله ئیز، باثباته، امن، په اقتصادي  ډګر کې په ځان د بسیا او جنسیتي او بشري حقوقو ته د ژمن ملت په حیث راڅرګندوي».

د هند دا دریځ چې د بهرنیو چارو وزیرې څرګند کړ، ددې هیواد له پخواني دریځ سره رټ توپیر لري، تر دې وړاندې هند په بیا، بیا څرګنده کړې وه چې د افغان سولې اړوند یوازې له هغې پروسې ملاتړ کوي چې د افغانانو په مالکیت او د «افغان حکومت» په رهبرۍ مخ په وړاندې ولاړه شي.

هند د افغان سولې په تړاو داسې مهال په خپل دریځ کې بدلون راولي چې د افغانستان د سولې لپاره د امریکا د متحده ایالاتو ځانګړي استازي «زلمي خلیلزاد» له طالبانو سره د شپږم پړاو مذاکراتو په منځ کې دې هیواد ته سفر وکړ او په وینا یې، هندي چارواکي یې د افغان سولې له پروسې خبر کړل.

د زلمي خلیلزاد تر سفر وروسته د افغانستان لپاره د چین ځانګړی استازی هم دې هیواد ته ولاړ او د افغانستان د سولې په تړاو یې له هندي چارواکو سره بحثونه وکړل.

هند چې له طالبانو سره د اړیکو ښه مخینه هم نه لري  په ګاونډ کې د ګډ حکومت نږدې ملګری بلل کېږي.

لا هم څرګنده نه ده چې د افغان سولې په تړاو د هند د دریځ دا بدلون به د ګډ حکومت او هند تر منځ اړیکې ترکومه حده زیانمنې کړي.

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Attajan
میلمه
Attajan

که هروخت زه وغواړم چه خپل هدف اومطلب ترلاسه کړم بایدموانع ایجادنه سی خپل مطلوی هدف ته په اسانی ورسیږم

Attajan
میلمه
Attajan

بیادڅشی باس پیل کړم