پر هوواوې د «میموري کارت» استعمال بندیز هم ولګید

نن ټکی اسیا (یکشنبه، ۵ غبرګولی، ۱۳۹۸ل): د هوواوې شرکت د بندیزونو سلسله دوام لري چې په نړۍ کې د ټکنالوژۍ بېلا بېل شرکتونو لخوا پرې بندیزونه لګول کیږي.

د میموري کارت شرکت یوه غړي ویلي دي چې د هوواوې شرکت به په راتلونکي مبایلونو کې ونه کولای شي چې میموري کارت (SD او microSD) استعمال کړي.

https://twitter.com/androidcentral/status/1132583409769959424?s=20

پر هوواوې دغه بندیزونه له هغه نه وروسته لګیږي چې امریکا حکومت په یاد شرکت د سوداګرۍ په برخه کې یو شمېر بندیزونه ولګول او د هوواوې شرکت جواز یې لغوه اعلان کړ.

له یادو بندیزونو وروسته لومړی د ګوګل شرکت اعلان وکړ چې پر هوواوې د انډرایډ سیستم استعمال بندیز ولګوي، همدا ډول یو شمېر نورو برتانوي شرکتونو هم پر هوواوې بندیز ولګاوه، د جاپان پاناسونیک ټکنالوژي شرکت هم د هوواوې سره سوداګریزې اړیکې ځنډولي دي.

اوس د ایس ډي میموري کارت شرکت اعلان کړی چې د امریکا سوداګرۍ وزارت په وینا یې د هوواوې سره اړیکې ځنډولي دي او په راتلونکي کې یې د میموري کارت پر استعمال بندیز لګولی دی.

لکه څرنګه چې هوواوې د انډرایډ او میکروسافټ چلوونکي سیستم په بدل کې خپل نوی سیستم وړاندې کوي همدا ډول به په دې لړ کې هم خپل نانو میموري کارت استعمال د ایس ډي په بدل کې پېل کړي.