افغانستان

ناټو: پر طالبانو نظامي، ټولنيز او سياسي فشارونه د سولې پروسه کې مرسته کوي

نن ټکی اسیا (سه شنبه ، ۲۱غبرګولی، ۱۳۹۸ل): په افغانستان کې د ناټو د قاطع ملاتړ ماموریت مرستيال قومندان ويلي، چې پر طالبانو نظامي، ټولنيز او سياسي فشارونه د سولې پروسه کې مرسته کوي.

د ناټو مرستيال قومندان ډګر جنرال کمپورياله نن په هرات ولايت کې يوې غونډې ته د وینا پر مهال وويل، چې د سولې پروسې ملاتړ کوي او د دې پروسې د بريا لپاره بايد پر طالبانو نظامي او سیاسي فشارونه نور هم زيات شي.

د ناټو مرستيال قومندان زياته کړه، چې د افغانستان بحران له پوځي لارې نه شي حل کېدای او دغه بحران بايد له سوله‌ ييزې لارې حل و فصل شي.

د ناټو مرستيال قومندان په داسې حال کې پر طالبانو د سياسي، پوځي او ټولنيزو فشارونو د زياتولو غوښتنه کړې، چې د ۲۰۱۷ کال په وروستيو کې د ناټو پخواني قومندان جنرال جون نيکلسن هم ويلي و، چې پر طالبانو به د پوځي فشارونو سربېره سياسي، مذهبي او ټولنيز فشارونه زيات کړي، خو تر اوسه د جنرال نيکلسن د هوډ کومې نه ښکاري، بلکې د نړيوالو سروې ګانو او راپورونو له مخې د افغانستان اويا سلنه خاوره د طالبانو په واک کې ده او امریکا ورسره د روان بحران د پای ته رسولو په موخه مخامخ مذاکرات پيل کړي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

کله چی دوی افغانستان ته په ډير زور او غرور راغلل او په ټوله نړی کی چا سپڼ هم نشو ورته وهلای نو دا به څومره فشار و ، چه په هغه وخت کی دوی څه ونشو کړای دا احمقان به په تيښته کی څه فشار راوړی۰
يو وخت خلکو ويل چی روسان چی يو ځای پښه کښيږدی بيا د هغه پښه څوک نشی ايسته کولای ، خو کله چی د دی موئمن او غيرتی ولس سره مخ شول نه يوازی پښه نور غړی يی هم بايلول ، د امريکی په تاريخ کی به د امريکی تر ټولو لويه تيروتنه د افغانانو سره جګړه وی .
دا ملت ډير مظلوم او مخلص ملت دی ، د دوی د دعا د قبليدو لپاره اللهُ تعالی د ډيرو وسيلو پيرزوينه پر کړيده ، امريکايان دی افغانان په څو سيکولرو ، منافقو ، فاسدو ، ۰۰۰۰ ، او بی همتو نه قياسوی ، که امريکا ژر و نوزی د افغانستان زخم به په ناسور ورته بدل شی او ډير مرضونه به ور وزيږوی .
امريکی ! د طالبانو ومنه او تښته ، پدی ښه سر خلاص کړه هروخت چی وی که نيژدی وی او که ليری هرومرو به تښتی ، نو چی تښتی احمقه همدا اوس وتښته مخکی لدی چی نور ځان خراب کړی .

Back to top button
1
0
Would love your thoughts, please comment.x
()
x
Close
Close