غزني: يو اربکی قومندان طالبانو سره يو ځای شوی«انځورونه»
نن ټکی اسیا (چهارشنبه ، ۲۲غبرګولی، ۱۳۹۸ل): د غزني ولايت په ګيرو ولسوالۍ کې د سيمه ييزو اربکيانو یو قومندان له طالبانو سره يو ځای شوی دی.
د طالبانو وياند ذبيح الله مجاهد وايي چې د نواب خان په نامه د غزني د ګيرو ولسوالۍ د اربکيانو مهم قومندان د حقايقو په درک کولو سره دوی ته ورغلی دی او له جګړې يې له لاس اخيستی.
#الفتح:
تیره ورځ دغزني ولایت ګیرو ولسوالۍ کې داربکیانو مهم قومندان(نواب خان) دحقائقو په درک کولو سره له خپلې دندې لاس په سر اوله یورینجر، یوې پیکا، یو کلاشینکوف، یو نارنجک او ډیرو مهماتوسره مجاهدینو ته راغلی.
مسئولینو یې هرکلی وکړ او د آرام ژوند ډاډ یې ورکړ. pic.twitter.com/NHnSGMafs8— Zabihullah (..ذبـــــیح الله م ) (@Zabehulah_M33) June 12, 2019
مجاهد ويلي دي چې نوموړي قومندان له ځان سره يو رينجر، يوه پيکا او کلاشينکوف او ډېر مهمات هم له ځان سره طالبانو ته سپارلي دي او دوی يې تود هر کلی کړی دی.
د يادونې وړ ده چې په افغانستان کې ځينې وخت دولتي قومندانان او عسکر له طالبانو سره يو ځای کيږي چې طالبان يې ورتګ ته هرکلی وايي او د هغوی د امنيت تضمين کوي.
