افغانستان

اشرف غني: د افغانستان کشالې د سياسي حل لپاره د امريکا په ژمنتيا شک نه کوو

نن ټکی اسیا (شنبه، ۲۵غبرګولی، ۱۳۹۸ل): د ګډ حکومت مشر اشرف غني وايي د افغانستان کشالې د سیاسي حل لپاره د امریکا په ژمنتيا شک نه کوي، خو په عين حال کې يې ويلي، چې جرمني، چين او د سيمې نور هېوادونه بايد د طالبانو او افغان حکومت ترمنځ خبرو ته زمينه جوړه کړي.

اشرف غني پرون د قرغيزيستان په پلازمنې بيشکيک کې د شاهنګهای همکارۍ سازمان غونډې وويل، چې افغان حکومت د سولې لپاره د امريکا په ژمنتيا شک نه کوي، خو د سولې لپاره بايد سيمه ييزه او نړیواله اجماع رامنځته شي،  تر څو بين د افغانستان کشاله د بين الافغاني خبرو له لارې حل شي.

د روسيې ولسمشر ويلاديمير پوتين هم د شانګهای کنفرانس ته وويل، چې د افغانستان حالات جدي پاملرنې ته اړتيا لري او ټينګار يې کړی، چې افغانان ملي پخلاينې او اقتصادي  همکارۍ ته اړتيا لري.

په عين حال کې چين هم ويلي، چې د افغانستا کشالې د حل لپاره د پاکستان مرسته اړينه ده.

اشرف غني په دغه ناسته کې د شانګهای همکارۍ سازمان له غړو غوښتي، چې د سولې لپاره د افغان حکومت له دريځه ملاتړ وکړي.

طالبانو په تکراري توګه د ګډ حکومت له چارواکو سره له  خبرو انکار کړی او ټينګار کوي، د افغانستان بحران اساسي عامل د امریکايي پوځيانو شتون دی او لومړی بايد د روان بحران بهرني اړخ په اړه له امریکا مذاکرات بشپړ کړي.

د ګډ حکومت مشر دا څرګندونې په داسې حال کې کړي، چې د افغانستان بحران د سياسي  حل په موخه د امریکا او طالبانو ترمنځ د سولې خبرو شپږ پړاوه تېر شوي او ټاکل شوې، چې  په راتلونکي جولايي مياشت کې له طالبانو سره د اووم پړاو خبرو لپاره قطر ته لاړ شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x