افغانستان

طالبان: د بهرنیو ځواکونو د وتلو مهالوېش به «بین الافغاني» مذاکراتو ته لار پرانېزي

نن ټکی اسیا (دوشنبه، ۲۷غبرګولی، ۱۳۹۸ل): طالبان وايي، تمه ده په نږدې ورځو کې  دطالب او  امریکایي استازو تر منځ د اووم پړاو مذاکراتو وخت مشخص شي او دواړه لوري پکې د بهرنیو ځواکونو په مهالوېش یوې وروستۍ پریکړې ته ورسېږي.

طلوع نیوز د طالبانو د قطر دفتر د ویاند «سهیل شاهین» له قوله لیکي چې « تمه ده نن یا سبا زموږ او امریکا تر منځ د اووم پړاو مذکراتو مشخص وخت اعلان شي او په یاد پړاو مذاکرتو کې امریکایان له افغانستان څخه د خپلو ځواکونو د ایستلو مهالوېش اعلان کړي».

شاهین وړاندې زیاتوي « له افغانستان څخه د بهرنیو ځواکونو د وتلو مشخص کېدل به د افغانانو خپلمنځي خبرو ته لاره پرانیزي او تر هغه وروسته به افغانان یوازیني څوک وي چې د افغانستان د راتلونکي حکومت په اړه به پريکړه کوي».

طالبان داسې مهال په اووم پړاو مذاکراتو کې له امریکا سره د بهرنیو ځواکونو د وتلو په مهالویش توافق ته هیلمن دي چې، دوی ته نږدې سرچینې چین هیواد ته د طالبانو د قطر دفتر د رئیس «ملا برادر اخند» د سفر خبر ورکوي.

د شنونکو په باور، د طالبانو وروستي سفرونه څرګندوي چې، دوی نور له امریکا سره یوه توافق ته رسېدلي او ددې سفرونو له لارې غوړي د بهرنیانو تر وتلو وروسته په نړیواله سطحه ځان ته ملګري پیدا کړي او د افغانستان د راتلونکې په اړه د هغوی اندېښنې ځواب کړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
غمی.پښتین

جوړ تازه.
شاهین ته.
امریکایان خو به ووځی.نیټه به هم اعلان کړی.پوښتنه دا ده چه نوی به څوک راځی؟د طالیبانو په وخت کی کابل کی د پاکستان تیلفون کود چلیده.
بیا به نمبری بدلوو؟نوی کود ۰۰۹۲ به یی کوو؟که څه به کوو؟

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x