شعـــــرونه

غزل/ شفاعت ریحان

شفاعت ریحان

مرګ او ژوند دی، انقلاب دی، د زړۀ سره!
راکړه غېږ، زړۀ مې بې تاب دی، د زړۀ سره!

راته و به کړي يوه نړۍ خبرې
ماسره زما کتاب دی، د زړۀ سره!

بېلتانۀ دي ځار اتله! پر ملا مات کړم
په ما هر ساعت عذاب دی، د زړۀ سره!

پام چې چوپ نه شې،خوږې خوږې يې وايه
ستا خبرو کې ثواب دی، د زړۀ سره!

ځه چې دواړه شهادت سره ياران شو
د يو بېل ژوندانه باب دی، د زړۀ سره!

زما درست کتاب پوښتنې ستا له سترګو
اوستا دوه توري ځواب دی، د زړۀ سره!

شفاعت دي درته بيا ډالۍ راوړې
په ورغوي يې ګلاب دی، د زړۀ سره!

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x