د شهيد مورکۍ

عرفان الله عرفاني

خواره مورکۍ یې هدیرې لټوي
پۀ هر مزار باندې جنډې لټوي

د ډرون ګوزار یې تنکی زوی شهید کړ
د ورک شهید غوښې، ټوټې لټوي

خبره نۀ ده چې دی چېرته خښ دی
د وطن غرونۀ او درې لټوي

هر یو کتاب تۀ یې په چيغو ژاړي
د یادګارو پسې صفحې لټوي

چا پسې ویلې مرسیه ده کنه؟
په إم پي تري کې ترانې لټوي

پاتې واسکټ کې یې جېبونۀ ګوري
د خپل بچي د لاس تسبې لټوي

عرفاني ورشۀ لږ یې زړۀ تسل کړۀ
تر څو به کلي او کوڅې لټوي

د نن ټکی اسیا موبایل اپلیکیشن
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالمالک همت
میلمه
عبدالمالک همت

په دې شعر کي درانه شاعر د شهيدانو د ميندو د زړونو د حال ډېر ښه انځور ايستلی دی. لوی څښتن دي د مظلومو شهيدانو قاتلانو ته سخته سزا ورکړي.