نظــر

خارجي او داخلي چاپه ماران د مظلوم ولس آزار ووهل!

بدر بتار

سپينې ماڼۍ په تيرو نيږدې دوه لسيزو کې ډول ډول سياسي او پوځي ستراتيژۍ و ازمويلې خو نه له سياسي پلوه په نړۍ کې د وسلوالو مخالفينو د مبارزې د مشروعيت د عروج په مخنيوي وتوانيدل او نه يې له پوځي پلوه د خپلو وسلوالو مخالفينو د تدريجي عروج مخنيوی وکړ. افغاني دوستانو يې هم ډول ډول ځريتوب ورته په ډير اخلاص ترسره کړ خو د سپينې ماڼۍ د لښکرو
کږه ورځ يې سمه نکړای شوه.

د ټرمپ په راتلو سره سپينې ماڼۍ تر وروستي بريده وحشت ته مخه کړه او د هيواد په لر او بر کې يې د وسلوالو مخالفينو د ځپلو په پلمه په مظلومو افغانانو د شپنيو چاپو ، بمبارونو او قتل عامونو توره ورځ جوړه کړه . هر سهار به چې يو چا رسنيو ته سر ورښکاره کړ د هيواد له بيلابيلو برخو څخه به يې زموږ د بېګناه ولس د قتل عام بشر بوږنوونکي خبرونه تر سترګو کيدل او ډير ځله به د يوې کورنۍ ټول غړي لويان او کوچنيان ، نارينه او ښځينه په شهادت رسول شوي ؤ .

د بشري حقوقو د ملاتړ مدعي سازمانونو هم په دې ټولو قتل عامونو او ظلمونو تر اوسه سترګې پټې کړيدي او چوپه خوله يې نيولې ده ، د پرديو له لوري تمويليدونکو رسنيو په يو نه يو ډول د دغه بشرضد جنايتونو د توجيه هڅه کوله، دغه شپنيو چاپو او ظلمونو ته د سپينې ماڼۍ او ګډ حکومت مداحان ډير خوشبين ؤ او دا جنايتونه او ظلمونه يې له وسلوالو مخالفينو سره په جګړه کې د يو بريالي تکتيک په توګه تعبيرول او په دې ګومان ؤ چې ژر به د جګړې ابتکار له مخالفينو څخه تر ګوتو شي او د جګړې پله به په بله واوړي. خو لوی الله جل جلاله د مظلومو افغانانو فرياد واوريد، زموږ په مظلوم ولس خارجي او داخلي چاپه مارانو ته په قهر شو او نن د دې شاهد يو چې هره ورځ چاپې په يو تلک کې نښتې وي او له هرې خوا څخه پرې تور تم جوړ وي.

په تيره نيږدې يوه مياشت کې ګڼې چاپې د وسلوالو مخالفينو د هغو ځانګړو قطعاتو له لوري چې د چاپو ماتولو لپاره يې تشکيل کړيدي د سختو ګوزارونو سره مخ کيږي او ماتيږي چې وروستۍ هغه يې نن د پکتيا ولايت د ګردې څيړۍ ولسوالۍ سوري خيلو سيمه کې د چاپو پر ضد د وسلوالو د ځانګړې قطعې له لوري د چاپه مارانو ماتيدل دي. دغه چاپه په خوست ولايت کې د سي آی اې د کرايي مليشو له لوري چې د ضربتيانو په نوم مشهور دي او زموږ له بيګناه ولس سره په ظلم او وحشت کې ساری نلري په لاره اچول شوې وه خو د څوارلسو ضربتيانو په مرګ او د يو شمير نورو په ټپي کيدو منطقي انجام ته ورسيده.همدغه راز په تيره نيږدې يوه مياشت کې د چاپه مارانو د سر سر ډير کسان هم د وسلوالو مخالفينو د هدفي غلچکي بريدونو ښکار شول.

که د نړۍ تاريخ ته وګورو کله چې د ظالم ظلم اوج ته رسيدلی خامخا ډير ژر هلاک شویدی او څرنګه چې د خارجي او داخلي چاپه مارانو ظلم او وحشت زموږ د بېګناه ولس په وړاندې د وسلوالو مخالفينو د ځپلو په پلمه اوج ته ورسيد نو ځکه يې الله جل جلاله هلاکت پيل او د سپينې ماڼۍ او ارګ د دغه وروستۍ ناوړه هيلې، ناهيلي کيدل پيل شول او د دې يوازينی علت د بې وسه او مظلوم ولس آزار ؤ چې لوی خدای يې فرياد واوريد او دوی يې آزار ووهل.

ورته لیکنې

ګډون وکړئ
خبرتیا غوښتل د
guest
4 Comments
زړو
نویو ډیرو خوښو شویو
Inline Feedbacks
ټولې تبصرې کتل
حکیمي

ان شاء الله

الحاج استاذ بیانزی

که چیری دا د مجموعی ژوند د ځنکدن اخری شیبی او یا ورنزدی شوی وخت وی، چه همداسی معلومیږی، د اخری وخت له راتګ دمخه لمړی کوچنی نښی څرګندیږی چه څرګندی شوی او ورپسی لوی نښی یو د بل پسی راښکاره کیږی چه ډیری یی ښکاره شوی هم دی ، د لویو نښو یوه لویه نښه د دجال ظهور دی. دا چه دجال به کوم شخص اخره کی راځی او که سیستم وی خو تر اخری کجی پیاده شوی. نو په دغه صورت کی به د دجال مخه غیر له عیسی ع څخه بل څوک نه شی نیولی . که… نور لوستل »

غمی.پښتین

بیانزی ته.
دجال ظهور کړی دی.او دجال د دنیا جنت هم تیار کړی.او دجال دا غږ هم کړی چه راځی زما په طرف زه پناه درکوم.
او ډیرو د دجال غږ ته لبیک وییلی لندن واشنګټن ته یی پناه ګاوی وروړی.اوس همدا مفت خواره په لندن او واشنګټن کی پناه اخیستی مفت سوسیال خوری او څښی.###.
ایا د پناه لپاره کوم اسلامی ملک نه؟ایا رزق یوازی په لندن جرمن او واشنګټن کی وه؟

masoom afghan

طالبان باید له تسلیمودونکو عسکرو ډیر ځیرک ووسي اکثره د دولت مخبران هم دا خلک وی

Back to top button
4
0
Would love your thoughts, please comment.x
()
x