نړۍ

اردوغان د مرسي او خاشقجي یادونه د جي شل سرمشریزې غونډه کې هم وکړه

نن ټکی اسیا (شنبه، ۸ چنګاښ، ۱۳۹۸ل): د ترکیې ولسمشر رجب طیب اردوغان په جاپان کې د جي شل سرمشریزې غونډې په څنډه کې خبریالانو ته د وینا پر مهال وویل چې د مصر پخواني ولسمشر د مړینې په اړه باید تحقیقات وشي او همداسي د سعودي لیکوال جمال خاشقجي قاتلان باید په سزا ورسیږي.

نوموړي وویل هیواد یې نه قبلوي چې دغه دوه پيښې د نړیوالې ټولنې د ناستو ایجنډا نه وي.

اردوغان وویل: «د مصر پخواني ولسمشر محمد مرسي د مړیني ټول اړخونه باید وڅیړل شي»، مرسي په قاهره کې د محکمې د ناستې پر مهال د روانې میاشتي جون پر ۱۷مه نیټه ومړ.

نوموړي همداراز وویل، هیواد یې هیڅ کله نه قبلوي چې د لیکوال او ژورنالیست جمال خاشقجي د قتل پر جرم باندي پرده واچول شي.
جمال خاشقجي د تېر کال اکتوبر میاشتې پر دوهمه نیټه د سعودي کونسلګرۍ په دننه کې په استنبول ښار کې ووژل شو.

د الجزیرې د خبر سره سم نوموړي په دغه پېښه کې د لاندي کچې څخه بیا تر لوړې کچې د ټولو مجرمینو د محکمې غوښتنه وکړه او پر ملګرو ملتونو یې غږ وکړ چې خپل مسؤولیت دي ادا کړي.

نوموړي د سعودي پر ولیعهد محمد بن سلمان غږ وکړ چې د خاشقجي قاتلان دي محکمې ته وسپاري.

باید وویل شي چې د جي شل هیوادونو سرمشریزه غونډه د جاپان په اوساکا ښار کې روانه ده، او په څنډه کې يې اردوغان د امریکايي ولسمشر ټرمپ سره هم ولیده.

اردوغان وویل چې امریکا یې ستراتیژیک ملګری هیواد دی، هیڅ کله به د یوه ملګري هیواد په توګه د ایس ۴۰۰ میزایلونو په اختلاف کې پر دوی اقتصادي بندیزونه ونه لګوي.

ایس ۴۰۰ دفاعي میزایل سیسټم دی چې روسیې جوړ کړی او په اوس مهال کې د هوايي دفاع تر ټولو قوي سیسټم بلل کیږي.

ترکیه چې د ناټو غړی هیواد دی، د روسیې څخه یې د وسلو رانیول امریکا او غربي هیوادونه په قهر کړې او ټول هیوادونه پر ترکیه فشار واردوي چې له دغې سودا څخه تیر شي.

د ترکیې ولسمشر اردوغان وویل چې د روسیې سره یې د ایس ۴۰۰ سودا نوره ماضي ده، دوی به پر ټاکلې وخت د روسیې څخه دغه سیسټم تر لاسه کړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

تر نورو خو اوس هم ښه دی، فریاد او زبیرګی خو یی پری وکړو، نور تش په نامه اسلامی رهبران ( د امریکا او ناتو غلامان ) خو یی په اړه چوپ پاتی دی ځینو ( سعودی ) خو د مصر د مسلمانانو د شهادت او مرسی د لیری کولو د پاره ۸ بیلونه دالر السیسی یهودی ته د امریکا په دستور او قومانده ورکړی، . مرسی رح امریکا، اسراییلو ا و بلاخره السیسی یهودی خبیث نه دی په شهادت رسولی بلکه عبدالله خبیث په شهادت رسولی چه د مسلمانانو دواړه قبلی یی اسراییلو او امریکا ته وسپارلی . وایی… نور لوستل »

Back to top button
1
0
Would love your thoughts, please comment.x
()
x