نړۍ

د سعودي پر ابها هوايي ډګر د حوثیانو برید کې نهه کسان ټپيان شوي

نن ټکی اسیا (سه شنبه، ۱۱چنګاښ ۱۳۹۸ل): د يمن حوثي وسله‌والو ملېشو يو ځل بیا د سعودي عربستان العسیر ولايت کې پر ابها هوايي ډګر برید کړی او نهه تنه يې ټپيان کړي دي.

د سعودي د کورنيو چارو وزارت وايي، په ټپيانو کې اته سعودیان او يو هندي وګړی دی.

د چارواکو په وينا دغه برید د بې پيلوټه الوتکې په مرسته شوی، خو په دې اړه يې نور جزيات نه دي ورکړي.

حوثيانو پر ابها هوايي ډګر د برید پړه منلې ده.

د حوثيانو رسمي تلويزون «المثیرة» د دغې ډلې د وياند له قوله ليکلي، چې د سعودي عربستان پر ابها هوايي ډګر يې د بې پيلوټه الوتکې په مرسته توغنديز برید کړی دی.

د سعودي «العربية» تلويزوني شبکې هم پر ابها هوايي ډګر د برید پخلی کړی او زياتوي، چې له برید وروسته د څو ساعتونو لپاره د هوايي ډګر پروازونه ځنډول شوي وو.

د يادونې وړ ده، چې سعودي عربستان او متحده عربي اماراتو له ۲۰۱۵ کال راهيسې په يمن کې د حوثي ملېشو پر ضد ځمکني او هوايي پيل کړي، خو دغه عمليات لا هم له کومې پایلې پرته روان دی او ډېری قربانيان يې د ښځو او ماشومانو په ګډون د يمن ملکيان دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x