شعـــــرونه

قسمت؛ سپين کوچی

سپين کوچی

ستا د خوږو سترګو دیدار مې په قسمت کې نه و
همدومره و، نور انتظار مې په قسمت کې نه و

چې ستا د پلوو خاورې یې چاته ورشیندلي پر مخ؟
هغه ګردونه او غبار مې په قسمت کې نه و

دومره بې څوکه وم، نه ښه او نه چا بد یاد کړمه
د چا دعا، د چا ازار مې په قسمت کې نه و

زیړ تښتیدلي رنګ مې وا نخیستو رنګ د ګلاب
خزان،خزان ومه بهار مې په قسمت کې نه و

د تور زندان پر دېوالو مې را کاږلې ګوتې
د رڼو سپینو ستورو شمار مې په قسمت کې نه و

زه چېرته پاتې وم د ژوند، په ستړې ورکه لاره
غر رانه لرې و، او ښار مې په قسمت کې نه و

له داسې چا سره مخ نه شومه چې زړه پرې خوږ شي
د سپین کوچي په څېر سپین یار مې په قسمت کې نه و

سپين کوچی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x