د امریکا فلوريډا ايالت کې چاودنې ۲۱ تنه ټپيان کړي

نن ټکی اسیا (يكشنبه، ۱۶چنګاښ ۱۳۹۸ل):د امريکا فلوريډا ايالت په جنوب  بلانتيشون ښار  په يوه رسټورانټ کې چاودنې ۲۱ تنه ټپيان کړي دي.

رویټرز خبري اژانس ليکلي، د چاودنې له امله د رسټورانټ سربېره نور دوکانونه او موټر هم ويجاړ شوي دي.

ځايي چارواکي وايي، چاودنه د ګازو  پایپ د ليک کېدو له امله شوې، خو پوليس ويلي، چې د پېښې څېړنه کوي او کره جزيات به يې وروسته له رسنیو سره شريک کړي.