افغانستان

بغلان کې د سړک د غاړې ماين چاودنې پنځه پوليس وژلي

نن ټکی اسیا (يکشنبه، ۲۳چنګاښ ۱۳۹۸ل): د بغلان ولايت چارواکي وايي ګذرګاه نور ولسوالۍ کې د سړک د غاړې ماين چاودنې پنځه پوليس وژلي دي.

د بغلان د والي وياند جاوېد بشارت ويلي، تېره ورځ ماسپښين ناوخته د پوليسو هاموی موټر په ګذرګاه نور ولسوالۍ کې روان و، چې د سړک د غاړې د ماين ښکار شو او پنځه پوليس يې ووژل.

د بغلان ولايت چارواکو د پېښې په اړه نور جزيات نه دي ورکړي.

د چاودنې مسؤوليت طالبانو منلی دی.

د طالبانو وياند ذبيح الله مجاهد په خپل ټويټر پيغام کې ويلي، د دوی جنګياليو د ګذرګاه نور ولسوالۍ کې د پوليسو پر کتار برید کړی، چې له امله يې يو ټانک ويجاړ، پنځه پوليس وژل شوي او دوه يې ژوندي د طالبانو لاس ته ورغلي دي.

د يادونې وړ ده، چې له تېرو څو مياشتو راهيسې په بغلان ولایت کې د طالبانو بريدونه او پرمختګونه زيات شوي او له تېرو مياشتو راهيسې په دغه ولایت کې سلګونو عسکرو، پولیسو او اربکيانو ته مرګ ژوبله اوښتې ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x