افغانستان

سعودي حکومت مېرمنو ته له محرم  پرته د سفر اجازه ورکوي

نن ټکی اسیا (سه شنبه، ۲۵چنګاښ ۱۳۹۸ل): د سعودي عربستان چارواکي وايي، سږ کال به ښځو ته اجازه ورکړي، چې له خپل محرم  پرته له هېواده بهر سفرونه وکړای شي.

د سعودي حکومت له پيله دا قانون دی، چې  هېڅ مېرمن له ۲۱کلن محرم پرته له هېواده بهر سفر نه شي کولی، خو يو شمېر لويديځو رسنيو د لوړپوړو سعودي چارواکو له قوله ليکلي، چې سږ کال به دغه قانون لغوه شي او هره مېرمن به وکولی شي، له شرعي محرم پرته له هېواده بهر سفر وکړي.

سعودي په ټوله کې مذهبي  هېواد دی، خو د پخواني پاچا عبدالله د واکمنۍ په وروستيو کې يې له مذهبي اصولو سرغړونه پيل کړې وه او نږدې څلور کاله وړاندې، چې سلمان بن عبدالعزيز د سعودي پاچا او زوی يې محمد بن سلمان ولیعهد شوی، په دغه هېواد کې يو شمېر مهم بدلونونه راغلي دي.

په دغو بدلونو کې يې  مهم دا دي، چې زرګونه ديني علماء زندانيان شوي، يو شمېر يې په زندانونو کې وفات شوي په ګڼو مذهبي پروګرامونو بندیزونه لګېدلي او د ديني علماوو فعاليتونه محدود شوي، خو په مقابل کې  يې سينما، د موسيقي پروګرامونو، ښځو ته د موټر چلولو او ښځو ته د لوبو د سياليو اجازه ورکړل شوې ده.

د عربي چارو کارپوه عبدالباري عطوان وايي، سعودي عربستان د يوه قانون له عملي کولو وړاندې د ايم بي سي ټلويزون له لارې د خلکو ذهنونه راتلونکو پروګرامونو سره عادي کوي.

عطوان زياتوي، که تاسې غواړئ، چې د سعودي په راتلونکو پروګرامونو سر له اوسه پوه شئ، نو د ايم بي سي ټلويزون خپرونې تعقیب کړئ.

ايم بي سي ټلويزون د سعودي ملکيت دی، له هېواده بهر خپرونې کوي او دغه ټلويزون د فلمونو او سريالونو له لارې د خپلو ليدونکو د نظرونو بدلولو هڅه کوي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
روح الله

هو بس موژ هم پوهیژو چی سعودی حکومت اوس له اسلام څخه لاس اخیستی دی او کفری قانون ته یی ترجیح ورکړی ده بس الله پاک به یی له کفاروسره په جهنم کی یو ځای کړی نور که ښځوته هرنګه اجازه ورکړی ور یی دی کړی که نه قرآن کریم خو ښځو ته دغسی اجازه نه ده ورکړی کوم چی دسعودی حکومت یی ورکوی

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x