چين: ګډ حکومت د سولې پروسه کې نه دی ګوښه شوی

نن ټکی اسیا (سه شنبه، ۲۵چنګاښ ۱۳۹۸ل): د چين د بهرنيو چارو وزارت وايي، د افغانستان ګډ حکومت د سولې روانه پروسه کې نه دی ګوښه شوی او په دې اړه د ګډ حکومت له چارواکو سره وخت پر وخت سلامشورې کيږي.

د چين د بهرنيو چارو وزارت وياند جينګ شوانګ زياته کړې، چې د افغانستان روانه کشالې د پای ته رسولو لپاره له ټولو کورنيو او بهرنیو اړخونو سره په اړيکه کې دي او هېواد يې د سولې په روانه پروسه کې هر اړخيزه همکاري کوي.

چينايي چارواکو دا څرګندونې په داسې حال کړي، تېره اوونۍ بيجينګ کې د افغانستان سولې په اړه د امريکا، چين او روسيې درې اړخيزه ناسته شوې وه او تر هغه وړاندې په قطر کې د امریکا او طالبانو د اووم پړاو مذاکرات سرته رسېدلی دي.

د سياسي چارو کارپوهان وايي، د طالبانو او امريکا په روانو خبرو کې ګډ حکومت ګوښه ساتل شوی او له همدې امله وخت پر وخت د دغې پروسې د تخريب هڅه هم کوي.

 

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د