غزل؛ نعيم ستومان

نعيم ستومان

آمن چرته دی پاچا! پۀ دې وطن کې
ژوند پیکه دی د هر چا پۀ دې وطن کې

پیدا کړی ذوالجال دی پۀ هر وخت کې
هر فرعون ته موسی پۀ دې وطن کې

د پتمنو پرګنو د کالۀ پیغلې
بیا سرتورې مه شه بیا پۀ دې وطن کې

بدبختي ده پسرلي پۀ وینو رنګ شول
ترې لوټ شوې ده ښکلا پۀ دې وطن کې

ډېر به ستړي او”ستومان” خاورو ته لاړ شي
څوک به چرته شي هوسا پۀ دې وطن کې

نعیم ستومان

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د