پکتيا: د زرمت د اربکيانو قومندان په چاودنه کې وژل شوی

نن ټکی اسیا (یکشنبه، ۳۰چنګاښ ۱۳۹۸ل): د پکتيا ولايت د زرمت ولسوالۍ د اربکيانو عمومي قومندان په يوې چاودنې کې وژل شوی دی.

د پکتيا د والي مرستيال عبدالولي سهي رسنيو ته ويلي دي چې د پکتيا د زرمت ولسوالۍ د اربکيانو مشر قومندان عزيز احمد نن له غرمې وروسته د پکتيا د حوزوي روغتون او پوهنتون ترمنځ سيمه کې وژل شوی دی.

بل لور ته د پکتيا د حوزوي روغتون مشر هم رسنيو ته ويلي دي چې د پيښې له ځايه ورته يو مړی او شپږ تنه ټپيان ور وړل شوي دي.

تر اوسه ددې چاودنې مسؤليت چا په غاړه نه دی اخیستی.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د