افغانستان

قریشي: نړۍ پوهېږي چې پاکستان د افغانستان د سولې لپاره کار کوي

نن ټکی اسیا (چهارشنبه، ۲ زمری، ۱۳۹۸ل): د پاکستان د بهرنیو چارو وزیر «شاه محمود قریشي» وايي، د سیمې او افغانستان د امنیت لپاره هڅې نه سپموي او اوس نړیوال هم په دې اعتراف کوي چې پاکستان د افغانستان سولې ته کار کوي.

قریشي چې له رسنیو سره یې خبرې کولې وویل « په افغانستان کې د نوي حکومت له پیل څه موده وروسته امریکا خپله پالیسي اعلان کړه چې پاکستان پکې د افغانستان د خراب امنیتي وضعیت مسئول بلل شوی وو، خو موږ  د افغانستان د امنیت لپاره ډېر کار کړیؤ له دې هیواد سره  په پوله پرتې سیمې مو تصفیه کړې او هلته مو امن راووست».

نوموړي زیاته کړه « نړۍ اوس ویني چې پاکستان د افغانستان سولې ته کار کوي، په افغانستان کې ناکراري مختلف اړخونه لري خو پاکستان په خپل ټول توان د کابل د سولې لپاره زیار باسي».

د قریشي په قول، عمران خان د خپل سفر په ترڅ کې امریکایي ولسمشر ته د پاکستان دسفر بلنه ورکړې او د ټرمپ له لوري منل شوې هم ده.

قریشي داسې مهال د افغانستان د سولې په برخه کې د پاکستان د هڅو ادعا کوي، چې ددې هیواد لومړی وزیر وایي، اسلام اباد ته به له راګرځېدلو سره سم له طالب مشرانو سره ګوري او هغوی به قانع کوي څو د کابل له حکومت سره رسمي مذاکرات وکړي.

ورته لیکنې

ګډون وکړئ
خبرتیا غوښتل د
guest
6 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالوا حد اڅګزۍ

دپاکستان اوسنۍ حکومت دعمران خان ترمشرۍ لاندی دنوازشریف اودزرداری دحکو متوسره ډیرفرق لری آیااشرفنی اوکرزی ټرمپ ته داخبره کړی ده یایی کولای سی لکه چه عمران خان ټرمپ ته وویل چه دافغانستان جنګ هیڅ قدرت ندۍ ګټلۍ او ټرمپ یی په تائید سروښوراوه نوعمران خان دافغانستان دملت واقعی دوست دۍ تراشرفغنی ملحداوکرزی خودپرسته.په احترام عبدالواحد اڅګزۍ

اجمل

ته څنګه وایی چی عمران خان د افغانستان د ملت واقعی دوست دی. لعنت د پر هغه ښه پاکستانی شی. پنجابی هیڅ کله د افغانستان دوست کیدالی نشی. پاکستان هیڅکله هم یو قوی افغانستان خپل سنګ ته تحمل کولای نشی پدی پوه شه او یابه څه د ای اس ای غړی یی چی دا خبره کوی.

عبدالوا حد اڅګزۍ

بی بخته ته اول دونه ناخبره یی چه عمران خان نیازۍ پښتون دۍ پنجابۍ ندۍ

ممحمد نبی

پدی خپلو خبرو لږ هم شرم نه درځی؟

غ.حضرت

قریشی ساب!
نړۍ څه چی حتی د مریخ اوسیدونکی لا پوهیږی چی پاکستان د افغان د سولی لپاره کار کړی دی او کوی ئی او و به ئی کی
خو ستا او زموږ او د نړی ستونزه دا ده چی (سوله) مو د ( مفهوم) په اصلی جامه کی نه ده تعریف کړی.

اجمل

بالکل ټوله دنیا پوهیږی چی افغانستان مو تباه کړه الله مو تباه کړه. نړی پدی هم پوهیږی چی دا ټول ترهګر په پاکستان کی ترنینګ کیږی او بیا دلته افغانستان ته د تخریب کاری او انتحار لپاره رالیږل کیږی.

Back to top button
6
0
Would love your thoughts, please comment.x
()
x