نظــر

د امریکايي حماقت په وړاندې د طالب ډيپلوماتیک عقلانیت

عبدالرحیم (ثاقب) لیکوال او سیاسي شنونکی

دوه ورځې وړاندې امریکايي ولسمشر د پاکستان له لومړي وزیر عمران خان سره په ګډه ناسته کې خبریالانو ته وویل چې:

((که دی وغواړي د افغانستان جګړه په یوه اوونۍ کې ختمولی شي او د لس ميلیونه افغانانو په وژلو سره په لسو ورځو کې افغانستان د نړۍ له نقشې ورکولی.))

د ټرمپ د دغو څرګندونو په وړاندې ډیری افغان سیاست والو خپل غبرګون وښود او هغه یې د افغان درانه ولس په اړه د لیوني ټرمپ د مریض ذهنیت محصول وګڼلې.

دا چې په غیر مستقیم ډول د ټرمپ د دغو څرګندونو اصلي مخاطبین طالبان وو، هغوی یې هم په وړاندې غبرګون درلود، خو داسې غبرګون چې د ټرمپ له ټول حماقت او سفاهت سره سره هغه د استدلال او عقلانیت پر اساس بناء و.

طالبانو د هغه په ځواب کې د خپلې رسمي اعلاميې په ترڅ کې وویل:
((زموږ په نظر ښه داده چې ټرمپ د بې مسئولیته خبرو پرځای د ستونزې اصلي حل ته متوجه شي، د ناکامه دريځونو او غیر عملي ادعاوو پرځای د منازعې د حل لپاره عملي ګامونه پورته کړي.))

که د ټرمپ د څرګندونو په ځواب کې د طالبانو ځواب ته وکتل شي یقیناً چې د هغه هر توری د برلاسې دیپلوماسۍ او ښه عقلانیت پر اساس بناء دی.

د طالبانو په غبرګون کې دا ټکی په ښه مهارت ځای شوی چې امریکایان د ټرمپ په شمول د افغانستان جګړې ګنګس کړي، ځکه نو د خپل ګنګستوب له امله داسې څه وايي چې هغه یې د لار نور ګنګستوب لامل کیږي.

د نړۍ له نقشې څخه د افغانستان ورکول او د لسو ميلیونو افغانانو وژل هغه بد عزائم دي چې امریکایان او د هغوی لیونی مشر یې افغانستان او افغانانو ته لري.

هغوی تر اوسه هم د افغانانو او افغانستان د نابودۍ په اړه هیڅ نه دي سپمولي، خو له بده مرغه چې د دغو حاسدو لیونیانو دغه ناوړه عزائم د یو شمیرافغانانو لخوا د افغانستان د ترقۍ او خدمت په نوم تعبیریږي.

د ټرمپ د چټیاتو په وړاندې د طالبانو اعلامیه په تحمل، تعقل او استدلال ولاړه وه، نه ورکې بيځایه ګواښونه ځای شوي وو او نه هم لیوني ټرمپ ته نامناسب الفاظ.

چې دا هرڅه په اصطلاح  د متمدنې امریکا د لیوني مشر په مقابل کې د طالب دیپلوماسۍ په پوخ والي، سنګینۍ او برلاسۍ دلالت کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x