بلوچستان: دسړک جوړونکو مزدورانو پنډ غالی تر برید لاندي راغي

(نن ټکی اسیا اپریل ۲۰۱۱/۱۸) کوټه: دبلوچستان ایالت د بارکان په ولسوالي کی دسړک جوړونکو پنډ غالی د نامالومو وسلوالو تربرید لاندي راغلی دي، له سیمي څخه امنیتي چارواکو خبر ورکړی دی چی دبرید له کبله دوه مزدوران ځای پرځاي وژل شوی او دری نور سخت ژوبل شوي دي. مزدورانو له بارکان څخه دپیر شاه محمد په لور غزیدلي سړک باندي کار کاوه چي د (لاټي بر) په سیمه کي یی د اوسیدلو لپاره یو پنډغالی جوړکړی وو.

تیره شپه ناوخته د نامالومو وسلوالو له لوري ورباندی وسلوال برید وشو چي نتیجه کي یی محمد بخش او ساجد وژل شوی، حمید، جان خان او رب نواز سخت ژوبل شوي دي، زوبل شوي کسان نژدی روغتون ته وړل شوي دي او امنیتی چارواکي دبرید کونکو دنیولو په لټه کیدي، خو تر اوسه پوري دپیښي په تړاو نه څوک نیول شوي اونه هم چا دپیښی پړه په غاړه اخیستي ده، چارواکي وایی وژل شوي کسان دپنجاب ایالت اوسیدونکي وو.

په بلوچستان کې اکثره وخت پنجابیان د بلوڅانو له خوا په نښه کيږي..
بخت الرحمن بخت……………..نن ټکی اسیا