افغانستان

کرزی: امریکا د داعش ودې ته زمینه برابروي

نن ټکی اسیا (پنجشنبه، ۱۰ زمری ۱۳۹۸ل): پخواني ولسمشر حامد کرزي وايي چې امریکا په خپلو دسیسو د افغانانو تر منځ نفاق اچوي او په افغانستان کې د داعش ودې ته زمینې بربروي.

کرزي چې نن يې یو خبري کنفرانس ته وینا کوله وویل چې امریکا له یوې خوا له طالبانو سره توافق غواړي او د بلې خوا د داعش د تقويې لپاره یې هڅې روانې کړي دي او په ګڼو ولایتونو کې ورته د فعالیت زمینه برابري.

کرزي د امریکا سره د طالبانو احتمالي د سولې هوکړه لیک هرکلی کړی خو په وینا يې ښه به دا وه چې لومړی د دولت او طالبانو تر منځ تفاهم شوی وی او بیا د تفاهم په نتیجه کې د امریکا سره هوکړه لیک لاسلیک شوی وی.

د کرزي په باور په افغانستان کې د داعش د فعالیتونو د زیاتیدلو معنا داده چې اوسنۍ سوله، سوله نه ده بلکې د جنګ له یوې مرحلې بلې مرحلې ته انتقالول دي چې د افغانستان په خیر نه دی.

هغه وویل چې دوی په ټول افغانستان کې داسې سوله غواړي چې داعش هم چپه کړي.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
غ.حضرت

داعش یوه فتنه ده او همدارنګه د داعش منځته راوړونکی او تمویل کوونکی هم خپله یوه بله فتنه ده، فتنه څه چی د بشریت ننګ دی. تکنولوژیک پرمختګ او لاسته راوړنی به الزاماً د توطئه ګرانو د بشری اصالت په معنی نه وی ، ځینی حیوانان هم دومره هنر او شعور لری چی ځینی وخت تر ځان غښتلو او شریفو موجوداتو ته خنډونه پیدا او حتی تهدیدونه ور ته را منځته کی.

گل محمد نوری

د پاکستان خېبر ضلعې پخوانی وسله وال کمانډر په افغانستان کې داعش خپل نوی مشر ټاکلی: (داسی ښکاری چی د امریکا په امر یی دداعش ډلی لپاره پاکستان نوی ډلی جوړوی) د ملگرو ملتونو په يو تازه رپورټ کې ويل شوي ترهگرې ډلې داعش په افغانستان کې خپله مشربدل کړې او د پاکستان خېبر ضلعې پخوانی وسله وال کمانډر یې خپل نوی مشرټاکلی. د ملگرو ملتونو رپورټ چې ځینې جزیات یې امریکايي مجلې لانگ وار جرنل کې شائع شوي وايي مولوي ضيا الحق چې د ابو عمر خراساني په نوم شهرت لري د امير يا مشر د څوکۍ نه لرې… نور لوستل »

احمد خان

ډ دی ټولو بدمرغیو ، وژنو او بی عزتیو او غلامیو اصلی عامل کرزی دی. هغه په دی واسطه چه د غلام حکومت سره دی د سولی لاسلیک وشی او یو موافقی ته دی ورسره ورسیږی د خبلی غلامی اداری مشروعیت په غم کی دی که د غنی دوره طالبانو په رسمیت وپیژندله د کرزی دوره یی هم په رسمیت پيژندلی او برخلاف طالبانو ۱۸ کاله جنګ به غیر مشروع وی چه د مشروع حکومتونو به مقابل کی ی ترسره کولو که طالبان دا کار ورکړی د اشغالګرو اشغال او د افغانان وژنی ته به هم مشروعیت ورکړی . زه… نور لوستل »

Back to top button
3
0
Would love your thoughts, please comment.x
()
x