ځانګړي راپورونه

طالبان بشړ نظام که په واک کې ګډون غواړي؟

نن ټکی اسیا (یکشنبه، ۱۳ زمری ۱۳۹۸ل) له تېرې اوږدې مودې راهيسې د نړۍ او سيمې د کارپوهانو توجه تر ډېره د امریکا او طالبانو ترمنځ د سولې پر خبرو مرکوزه ده.

ايا د امریکا او طالبانو ترمنځ ممکنه هوکړې سره به طالبان بشپړ واک ترلاسه کړي او که د روان نظام برخه به شي.

دا خو روښانه ده، چې طالبان له کابل ادارې سره هر ډول خبرې او په واک کې ګډون رد کړی او هېڅکله نه غواړي د روان نظام برخه شي.

په امریکا کې د منځني ختيځ د څېړنيز مرکز څېړونکي ډاکټر مارون واين بوم ويلي: «واک ترلاسه کول او په واک کې ګډون دوه جلا خبرې دي.»

د ډاکتر واين په وينا طالبان په روان نظام کې د ګډون پر ځای غواړي، چې د اوسني نظام بديل خپل نظام راولي.

د افغانستان د ملي امنيت پخواني سلاکار ډاکټر رنګين دادفر سپنتا ويلي، که موږ هر څه ووايو، په افغانستان کې يو بدلون راروان دی، چې طالبان به واک ته ورسيږي.

د سياسي چارو بل کارپوه احمد سعيدي هم وايي، طالبان په واک کې ګډون نه، بلکې ټول واک غواړي او نورو ډلو ته به په خپله خوښه ځينې څوکۍ ورکړي.

د نيويارک سټي پوهنتون استاد جهانګير خټک وايي، طالبان له تېر اتلسو کلونو راهيسې جګړه کوي، يو ځانګړی نظر او سټراټيژي لري، هر څوک د هغوی له سټراټيژي سره اختلاف کولی شي، خو حقیقت دا دی، چې طالبان پر هغو موضوعاتو خبرې کوي، چې دوی پرې یقين لري، د همدې نظر لپاره يې دا اتلس کاله مبارزه کړې، څوک يې مني، که نه، خو د دې مبارزې اثرات به خامخا په افغانستان کې راښکاره کيږي.

د افغان چارو بل کارپوه ډاکټر حسين ياسا وايي، طالبانو تر دې وړاندې هم په ټينګار سره ويلي، چې له اوسني حکومت سره هېڅ ډول شراکت نه کوي.

ډاکټر پاسا وايي، که د ملګرو ملتونو یا نړيوالې ټولنې تر چتر لاندې کوم حکومت رامنځته کيږي، هغه به لنډمهالی وي او که طالبان واک ته رسيږي، د پاکستان په ګډون په ټوله سيمه به يې ځينې اثرات وي.

د ډاکټر ياسا په وينا که څه هم طالبانو بار بار ويلي، ټوله مبارزه يې د افغانستان د خپلواکۍ لپاره ده او هېڅکله د نورو هېوادونو په چارو کې لاسوهنه نه کوي، خو واک ته د طالبانو له رسېدو سره به پاکستان او د سيمې نورو هېوادونو مذهبي ګوندونه او عنعنات يو ځل بيا وده کړي.

ډاکټر واين بوم وايي، که طالبان واک ته ورسېدل، دې سره پاکستان کې د مذهبي ګوندونو ودې او فعاليتونه زيات شي، چې ښايي پاکستان ته د منلو وړ نه وي، خو بله ګټه به يې دا وي، چې افغانستان کې د هند اثرات او فعاليتونه کمزوري شي.

د کارپوهانو په وينا د سولې له هوکړې وروسته واک ته د طالبانو د رسېدو ګټه به د امریکا سربېره پاکستان ته هم وي.

د ځواکونو په ويستلو به امریکا ميلياردونو ډالر سپما وکړي او په راتلونکو ولسمشريزو ټاکنو کې به هم د ټرمپ ادارې ته ګټه وکړي او پاکستان به له افغانستان سره په اوږده پوله له امنيتي پلوه ډاډه شي.

 

 

ټاګونه

ورته لیکنې

ګډون وکړئ
خبرتیا غوښتل د
guest
13 Comments
زړو
نویو ډیرو خوښو شویو
Inline Feedbacks
ټولې تبصرې کتل
غمی.پښتین

جوړ تازه،
طالیبان ټول واک باندی څه کوی؟حکومت کړل اسانه خبره نه ده.یو څو وزارتونه لکه.عدلیه وزارت، دګیرو او بریتونو کنترول وزارت د ورکړی.دا دوه وزارتونه یی بس دی.
نور وزارتونه چه ورکړی،دفترونه به یی په جیب کی ګرځوی.او د توتانو ونی لاندی به ویده پراته وی،

گل محمد نوری

که سوله وشي طالب مشران او جنګیالي به یې څه نقش ولري؟

د سولې د روانو هڅو په اړه په ټوله کې څو ډوله لیدلوري موجود دي:

ـ وسله وال طالبان وایي دوی به بیا اسلامي امارت جوړوي او د دوی واکمني به له نسبي بدلونونو سره بیا راګرځي.

ـ یو نظر دا دی، چې وسله وال طالبان به اساسي قانون او حکومت مني او کوم اساسي بدلون به نظام او قدرت کې نه راځي.

ـ بل نظر دا دی، چې د وسله والو طالبانو د مشرانو په ګډون به یو مختلط حکومت جوړیږي.

له دې سره ځینې د سولې روانو هڅو ته خوشبینه او ځینې بدبینه دي.

خوشبینه خلک فکر کوي، چې سوله په هر قیمت باید وشي، خو بدبینه خلک یې د افغانستان شته بنسټونه او لاسته راوړنې یادوي، چې نه باید د سولې د هڅو او معاملو قرباني شي.

د مختلط حکومت نظریه

د ولسمشر غني ورور او سیاسي کارپوه حشمت غني احمدزي په یوه تلویزوني مرکه کې وویل: د سولې په اړه نه زیاته خوشبیني او نه هم زیاته بدبیني په کار ده.

د ده په وینا امریکا له قطر نه د سولې د روانو هڅو د کامیابولو لپاره مرسته غوښتې او قطر پاکستان ته اخطار ورکړی، چې په دغه کار کې دې خامخا مخلصانه لاس ورکړي.

حشمت غني د سولې د احتمالي توافق په اړه وایي: طالبانو ته به څو وزارته ورکړل شي، څو مشاوریتونه به هم په ارګ کې ورکړل شي.

د نوموړي په وینا د سولې لپاره ارزي، چې طالبان هم امتیاز واخلي، لکه څنګه چې د ده په وینا حکمتیار راوستل شو او امتیازات ورکړل شول.

۸ میلیارده بودیجه!

حشمت غني احمدزی دا هم وایي، چې د سولې د توافق د بریالیتوب لپاره ۸ میلیارده ډالره بودیجه په پام کې نیول شوې ده.

د ده په وینا د دغو پیسو د برابرولو لپاره جاپان، اسټرالیا او یو شمېر نورو هېوادونو سینه ډبولې ده.

نوموړی دا هم وایي، چې امریکایي ولسمشر ډونالډ ټرمپ په راتلونکي سپتمبر کې افغانستان ته راځي.

د ده په خبره پاکستان له افغانستانه د امریکایي سرتېرو د وتو په صورت کې وړاندیز کړی، چې امریکا دې په پاکستان کې پوځي اډې واخلي.

په پیسو به څه کیږي؟

حشمت غني احمدزي د یادو ۸ میلیارده ډالرو د لګولو په اړه نور څه ونه ویل، خو یوې بلې سرچینې یاران ته ویلي چې نړیواله ټولنه د سولې د روانو هڅو له کامیابۍ وروسته د سولې توافقاتو د تطبیق لپاره تر ۲۰ میلیارده ډالرو پورې بودیجې برابرولو ته هڅې روانې دي.

ویل شوي، چې دا پیسې به د طالب جنګیالیو د ادغام، کارموندنې، دوی ته د کورونو د ورکړې او نورو ورته هڅو لپاره ولګول شي.

همدا شان هغه سیمې، چې تراوسه وسله وال طالبان پکې واکمن وو او هلته مهم پرمختیایي کارونه وو، دا کارونه به ترسره شي.

اندیښنې څه دي؟

حشمت غني احمدزی دا هم وایي، چې د سولې روانې هڅې ځینې ننګونې او اندیښنې هم لري.

د ده له نظره پاکستان حقاني شبکې ته خبرداری ورکړی، چې یا سوله وکړي او یا په وزیرستان یا کشمیر کې د پاکستان د اهدافو لپاره وجنګیږي.

حشمت غني وایي: که حقاني ډله وزیرستان ته یوړل شي، بیا یې ټوپک پښتنو ته تاویږي او زموږ خپل خلک پرې وژل کیږي.

نوموړی دغه راز کشمیر ته د حقاني شبکې د لېږدیدو په اړه اندیښمن دی او وایي: له دغې شبکې څخه باید پاکستاني استخبارات د خپلو شومو موخو لپاره کار وانخلي.

Hidayat shinwaray

زما په اند چی یو عجز بنده یم د امرکیانو او د پاکیانو راتلونکی استرتیژی به دا وی چی افغانان به په واک ـ(هډوکی) په واسطه یو پربل وژنی تر هغه وخته پوری چی ښه سره ستڔی شی او بیا به د خپلی طبعی یو نظام اجادوی.

الحاج استاذ بیانزی

شینواری صاحب !
ستاسی خبره به داسی ووایو چه د نړیوال کفر یا د نظم نوین جهانی نړیوال استعمار غوشتنه به دا وی (چه تاسی لیکلی بیاسمه ده ) چه افغانان به د روسانو له ماتی وروسته خپل منځی جنګو برخه لیک سره مخ کړی.
مګر زما ارزونه بیا دا ده:
چه که یو ځای کی د الودګی مخه نه وی نیول شوی وایروس او بکتریاوی طبیعی ده چه حمله کوی او هغه بدن له منځه وړی لا یی کمزوری کوی . د روسانو ضد جهاد کی د سنګر مجاهدینو قربانی په خپل ځای د قدر وړ دی مګر تش په نامه جهادی رهبران د امریکایی استعمار له خوا په بیه واخستل شو و تعقیم او د هر ډول کارولو د پاره اله او وسیله جوړ شول ، روسانو هم ورسره له مجاهدینو د غچ اخستنی او د مجاهدینو د بدنامولو د پاره خپل کمونستان د امریکا ملګری او امریکا په هماغه غوښه چاړه کمونستانو او اخوانیانو خبل منځی جګړی پیل او نن یی په یوه غوجل او یه اخور خپلی مرداری دالری ارداوی ته په یوه دسترخوان کینول.
به طالبانو به هم هڅی او وسی شوی مګر طالبان د خرڅ د پاره نه وو د معتصم، نیازی او رسول په نوم د ګوتو په شمار یی پکی وموندل مګر د پام وړ ګته یی ورته ونه کړه او طالبانو ته یی ګټه لا زیاته شوه چه د هغوی له شره بی غمه او صفوف یی تصفیه شول.
طالبانو سره که الله ج ملګری نه وی مات شوی طالبان بیا داسی قدرت ترلاسه کړو چه نړیوال استعمار ته یی شرمیدلی ماتی ورکړه نه یی شمیر، نه یی وسلی او وسیلی او نه یی نظامی روزنه لرله او نه یی په اسمان ستوری او په زمکه سیوری درلود، دومره وحشت چه ورسره د باکستان غلامانو ترسره کړو د افغانستان غلامانو لا نه دی ترسره کړی او بیا هم نړیوال استعمار یی په ګونډو کړو او د کابل غلامان یی په ډاګه کړل چه نانځکی او فاحشی دی.
دا منو چه دجالی طاقت هم د الله ج په اراده پیاوړی شوی مګر د الله خوښ شوو مجاهدینو په مقابل کی دجالی طاقت د یو ویښته ارزشت هم نه لری، ترمپ له همدی په قهر شوی وو چه بی اسری طالبانو شرمیدلی ماته ولی راکړه لکه خوار او کمزوری چه پیړ او پیاوړی په ډونګو کړی تښتی او په تيشته کی لاپی کوی هغه لاپی څه ګټه ورته لری د جنګ له ډګره تښتی او وایی چه زه به تاسره ګورم خو اوس وګوره.
زه د الله ج په رحمت او اراده پوره باور لرم الله ج د دایمی بریا د پاره شمیر، وسیلی او وسیلی نه ایمان یی شرط ټاکلی انتم الاعلون ان کنتم مومنین

جميل

که مونږ په رڼو سترګو وتيرو ۱۸ کلونو ته نظر واچوو او په سليم عقل سره پورتنی سرليک ته ځير شو او عدل او انصاف مراعات کړو نو خامخا به دا وايو چی : پدی ۱۸ کلو کی څوک شهيدان شول ، بنديخانی په چا ډکی شوی ، شپه او ورځ څوک د الوتکو تر څار لاندی وه ، د چا په سر توری کڅوڼی اغوستل کيدلی او بی عزتی ورسره کيدل ، هغه څوک وه چی د هيڅ الهی اود بشرتر قانون لاندی نه شميرل کيدل ، هغه کوم انسانان وه چی کله به چورلکی په آسمان کی د دوی پر کليو ګرځيدی او د دوی بی وسه سپين ږيری ، زنانه او واړه به پخپلو خټينو کورونو کی د بيری ريږديدل ، هغه څوک وه چی د دوی پخاطر به د دوی خالق الله(ج) او خوږ رسول محمد(ص) ته بد ويل کيدل ،……،.
دا څوک دی چی د الله(ج) د رضا او د خپل هيواد د استقلال لپاره ځانونه قربانوی ، څوک دی دا چی تبعيض او نفرت يی شاته وغورځاوه خو تقوی او اهليت يی معيار وټاکه ، څوک دی دا خلګ چی خپل د زړونو ټوټی يی دنيوی اور ته پيرزو کړی ، …..، دا څوک دی چی د ټولی نړی دښمنی يی د خپل خالق د رضا او د هيواد د آزادی لپاره پر ځان ومنله ، ،…..
دا منم چی طالبان کرام د قدرت د انحصار په لټه کی ندی ، ټوله هغه افغانان چی ودی خاوری ته وفاداره وی او اهليت د کار ولری خامخا به په قدرت او په کاروکی شريکيږی ، که عدل او انصاف وی اسلامی نظام په هغو ټينګيدای سی او آزادی په هغو ساتل کيدای سی چی ورته ژمن او وفاداره وی او د دی لپاره يی قربانی ورکړی وی خو دا هم بايد ومنل شی چی خاين ، مفسد ، فاسق او د دين او د هيواد دښمن ته به عزت او مقام ورنکړای شی .
هغه څوک چی الله(ج) ذليله کړی وی ولی عزت ورکړو (عمر رض).

اجمل

طالبان کیچیری په حکومتداری پوهیدای نو د امارت په وخت کی به یی یو قوی حکومت جوړ کړای وه. دوی پر خپلو خلکو قوی حکومت درلود خو د افغانستان څخه دباندی د دوی هیڅ اهمیت نه وه. صرف پنجاب او د هغوی تمویل کونکو هغوی په رسمیت پیژندلی وه او بس. د امارت په وخت چیری چی ترهګر وه هغوی ټول افغانستان ته راټول کړی وه خدای د وکړی چی سړی شوی وی او دا ځلی داسی کار ونکړی.

مجاهد

ځینی په ارګ او ځینی په پاڼو او رسنو کی د امستردام له فاحشه خانو خمار د خوب او خیال سندری وایی، د هغوی په تکراری او بی ګټو ګډوډو مونږ مسلمانان تردی زیات نور وخت نه ضایع کوو، واذا خاطبهم الجاهلون قالو سلاما. هر څوک د خپل بدمرغه او یا نیک مرغه فطرت له مخی شی او بدی خبری کوی د هر انسان په اوږو د شو او بدو کړنو د لیکلو دپاره ملایکی ناستی دی هر کس خلک تیرویستلی او خطا ایستلی شی مګر خدای نه شی خطا ایستلی.

لنډه وایم چه طالبان افغانستان او نړی کی الهی نظام غواړی
ځکه خو ورته د امریکا په مشری د ۴۹ پرمخ تللو هیوادو په ضد جهاد کی ورته له نظامی، تبیلغاتی نیولی تر سیاسی او ټولو نورو ډګرو کی یی حیرانونکی او معجزوی بریاوی تر لاسه کړی چه دی هیواد ته یی یو ځل بیا د ابرقدرتو د هدیری ویاړنه په برخه کړه. په فاحشه خانه کی زیږول شوی او لوی شوی ټرمپ پری اعتراف وکړو او د کوڅه ډب سپی په شان د تیشتی وخت کی یی په خالی لاپو او غپلو شروع وکړه دا یی هم وویل چه د کال ۵۰ بیلونه دالر مو د کابل غلامه اداره غلا کوی ، حیثت او ابرتدرت ته می طالبانو د پای ټکی کیښودلو.
الهی نظام :
د عبادت بل نوم ته الهی نظام ویل کیږی او عبادت د توحید او اطاعت مجموعی ته ویلی شی دامستر دام فاحشه خانو کی ناستو ته د دی خبرو کول بی ګتی او د وخت ضایع کول دی.
طالبانو لمړی مرحله ( چه له هیواده د اشغلګرو او د هغوی د فاحشو او نانځو وتل وو ) تر سره کړه، دوهمه مرحله کی به د الهی نظام پلی کولو د پاره د طالبانو او غیر طالبانو له منځه مستعد، متقی، اسلام کی اسلامی سیاست پوهان او منورین په ګوته او له هغوی به با صلاحیته اسلامی شوری جوړوی هغوی به د شیطانی دموکراتیک قانون په ځای شرعی قوانین تدوینوی او له هغه وروته به د الهی نظام د پاره به تشکیلاتو او تعیناتو کار کوی یعنی اړین نهادونه به ټاکی مسلکی او اهل خلک به ورته ټاکی او د راتلونکی د پاره به دمسلکیت روزنیز مرکزونه او بوهنتونونه جوړوی. طالبانو د الله ج د رضا او د هغه دمظلوم مخلوق د حقوقو د دفاع د پاره ( چه یوه یی هم خپلواکی ده ) ۴۰ کاله مالی او ځانی قربانی ورکړه اوورکوی هغوی د واک او قدرت تر لاسه کولو نیت نه درلود او نه یی لری مګر د نړیوال کفر جاسوسان او غلامان به نه یواځی قدرت ( که د اصلاح وړ نه وی ) مناسبی سزاوی به ورته واوروی او لا به د نورو په شان له هیواده وتښتی مننه

عبدالوا حد اڅګزۍ

خلک تاریخ ددی دپاره وایی چه ددنیادممالکوله تاریخی حکومتودکړنوڅخه ګټه اخلی اووفاداره وطن فرسته دخپل ملک دطرقۍ دپاره هغه قوانین اوطرزدحکومت غوره کوی -دافغانستان د۴۰کالوجهادیواسلامی انقلاب دۍدخارجی اوداخلی کفرپه مقابل کی اوداانقلاب عینی دخومینی دانقلاب سره مشابه دۍ که طالبانودخپل اول حکومت په دوره کی دایران دانقلاب طریقه غوره کړی وای نن به نهایته قوی اوپرځان متکی ملک وای ،اوس هم بایدطالبان په ټولوولایتواواولسوالیو کی مرکزی کمیټی ولری لکه دایران(خبرګان)سیاسی انتخابات باید مسلمانو او پوهوعالمانوته ورپریږدی اوددوی بیله موافقی هیڅوک ځان نسی انتخابولای مرکزی قدرت لکه دخومانه یی بایدداسلامی پوه لیډرپه قدرت کی وی چه صنعت ،ذراعت اوبجټ بایددپوهو خلکوله خواوټاکل سی سیاسی ارتبات له خارجی ملکو سره ملایان اوطالبان نسی کنترولولای باید مسلمان اوپوه عالمان وی،ظالم او لادینه مجرمان بایدمحاکمه سی دملک دغلوڅخه غلاسوی پیسی اوغصب سوی مځکی بایدواخستلی سی دمسکینانواوبیوزلو غم بایدلکه دحضرت عمر(رض)په وخت کی وخوړل سی چه الله راضی سی هرڅه پخپله طرقی کوی.که داسی ونکی بیرته الله قدرت جابروظالمانوته ورکوی.په احترام عبدالواحد اڅګزۍ

ملا جانان

دا چي طالبان څه غواړي او څه نه غواړي هغه د دوئ او د دوئ د مشرانو کار دی. موږ تنها دومره پوهیږو چي امریکایان د خپلو ځواکونو د وتلو د پیل وړاندي طالبانو ته کابل ونه سپاري نو دا رواني خبري ټوله بې معنا دي.

Hidayat shinwaray

بیانزی صیب ستاسی خبره درسته ده خو زه دا وایم چی افغانانو همیشه جگڔی گٺلی ولی د سیاست په ډکر کی بیا پاتی راغلی هغه ځکه چی د جگڔی ماهیت تحمیلی دی نو څرگنده خبره ده چی سوله به هم پر مونژ تپل کیږی.
ما همیشه دا خبره کڔی ده چی د پردی کټ تر نیمو شپو وی یعنی د جگڔی بری به زمونژ وی ځکه چی ملت مو دا ثابته کڔی ده چی واقعی مجاهدین وه او دی ولی سیاسیون مو بیا تجاران وه او دی.
د دغه معماء د حل لپاره باید ملت بیدار شی او هغه متل دی چی وایی اعتبار شه وی خو کنترول بهتره ده.
Trust is good but control is better.
مونژ باید یوازی په اعتبار باندی اکتفاء ونه کڔو بلکی کنترول یی ترڅنگ ضروری دی.
We need a porper scaning system for that

Hidayat shinwaray

بیانزی صیب تیلفون دی راته راولیږه.

غ.حضرت

دا پورته ټول کار پوهان ! خو فقط د نورو خبیثانو د ګټو د خوندی کولو په هکله ږغېدلی دی نه د افغانانو د ژورو او پراخو او ستراتژیکو ګټو په هکله.

Abdul-Rauf Alam

السلام وعلیکم مجاهد وروره!ستاسو لیکل شوی تبصره، له سره تر پایه،ټکی په ټکی زما دزړه خبری،هغه حقایق چې د ضمیر خاوندان پری پوهیږې،دا د هر بی ضمیر او پردې پال د وس کار نده.الله متعال دی په ګوتو او قلم برکات وراضافه ګړې.آمین

Back to top button
13
0
Would love your thoughts, please comment.x
()
x
Close
Close