افغانستان

زلمی رسول د اشرف غني انتخاباتي ډلې سره یوځای شو

نن ټکی اسیا (سه شنبه، ۱۵ زمری ۱۳۹۸ل): د اعتدال او برابرۍ انتخاباتي ټیم نوماند زلمی رسول په را روانو ولسمشریزو ټاکنو کې د اشرف غني په مشرۍ د دولت جوړونې ټیم سره یوځای شو.

زلمي رسول نن په کابل کې د یوې غونډې له لارې د اشرف غني په مشرۍ د دولت جوړونې ټیم سره یوځای کیدل اعلان کړل.

زلمی رسول په اینده ولسمشریزو ټاکنو کې د لومړي مرستیال عبدالجبار تقوا او دوهم مرستیال غلام علي وحدت سره کاندید و.

زلمی رسول په تېرو ټاکنو کې هم کاندید و او د دوهم دور ټاکنو کې يې د اشرف غني خلاف د ډاکترعبدالله عبدالله د ټیم ملاتړ کړی و.

ټاکل شوې چې د ولسمشرۍ ټاکنې به د تلې د میاشتې په ۶مه ترسره شي.

په دغه ټاکنو کې د اشرف غني، حنیف اتمر او عبدالله عبدالله په شمول اتلس کسان کاندیدان دي چې د زمري د ۶مې نېټې راهیسې يې کمپاینونه شروع دي.

د ټاکنو د خپلواک کمیسیون د معلوماتو پر اساس سږکال ۹ نیم میلیونه کسانو د انتخاباتو لپاره نوملیکنه کړې ده.

د ولسمشریزو ټاکنو ته ۱۴۹ میلیونه ډالر تعیین شوې چې ۹۰ میلیونه ډالر د افغانستان د دولت د بودیجې څخه ورکول کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x