حکمتیار: که بهرنیان نه وي حکومت په څو اونیو کې سقوط کوي

نن ټکی اسیا (شنبه، ۲۶ زمری، ۱۳۹۸ل): د حزب اسلامي ګوند رییس او راتلونکو ولسمشریزو ټاکنو ته نوماند «ګلبدین حکمتیار» وایي، که د بهرنیانو مټ نه وي د کابل حکومت به تر ډېره د طالبانو په وړاندې تم نه شي او په لنډ وخت کې به سقوط وکړي.

حکمتیار چې په کابل کې یې یوې کمپایني ناستې ته خبرې کولې وویل « امریکایانو داسې حکومت جوړ کړی چې د بهرنیانو تر وتلو وروسته څو اونۍ هم په پښو ونشي درېدلای، که چېرې بهرنیان ووزي اوسنی حکومت به هم په څو اونیو کې دننه سقوط شي».

نوموړي ددې تر څنګ د سولې د راتګ زیری ورکړ او په خبره یې، هیڅوک نشي کولای د سولې د راتګ مخه ونیسي.

د حکمتیار په خبره، باوري نه دی چې ولسمشریزې ټاکنې دې په وخت ترسره شي خو د ولسمشریزو ټاکنو د کمپاینونو تر وروستۍ ورځې به خپلو سیالیو ته دوام ورکوي.7

حکمتیار داسې مهال د بهرنیانو تر وتلو وروسته د کابل حکومت د احتمالي سقوط خبر ورکوي، چې تمه ده په نږدې راتلونکې کې د طالبانو او امریکا تر منځ د سولې توافقنامه لاسلیک شي او له مخې یې، ټول بهرني عسکر له افغانستان څخه ووزي.

د نن ټکی اسیا یوټیوب چېنل
avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالوا حد اڅګزۍ
میلمه
عبدالوا حد اڅګزۍ

حکومت یارفکرکوی چه اوس به زه صدرجوړسم زه نه پوهیږم چه دۍ عقل اوفکرلری چه څوک به وده ته دکم خدمت له مخه ووټ ورکوی اوکه به دخپلوټولوقتلوپه جرم اعدامیږی ده اوغنی داسلامی دعوی په نامه ځانونه تردی ځایه رسولی دی که داسلام حقیقی پیروان قدرت ته ورسیږی ددوی سزااعدام دۍ.عبدالواحداڅګزۍ

گل محمد نوری
میلمه
گل محمد نوری

په پارلماني چارو کې د پاکستان د حکومت وزیر علي محمد خان وايي، په افغانستان کې د طالبانو بریا به د پاکستان بریا وي.

نوموړي د پاکستان جیو نیوز ټلویزیون سره په یو ګردي مېز کې د حامد میر دې پوښتنې ته په ځواب کې کړې ده چې ایا د کشمیر لانجه د افغانستان د لانجې په حل پورې مشروطه کړای شي که نه؟

نوموړي ویلي، کشمیر به ډېر ژر د پاکستان برخه وګرځي او هلته به د پاکستان دوه رنګه بیرغ ورپول شي، خو په افغانستان کې د طالبانو بریا هم د پاکستان بریا ده.

اجمل
میلمه
اجمل

حکومت به سقوط وکړی ځکه چی په داخل د حکومت کی د غنی مخالفین بیحده زیاد دی، خو د یوه بل مقاومت امکان هم شته کچیری حکومت سقوط وکړ، پخوانی جهادی تنظیمونه، ملیشی او شمالی ټلواله به جدا یو حکومت جوړه وی او د جنګ محاذ به تر ډیره دود ساتی دا ځکه چی د افغانانو اوس یوه ډیره برخه خپل امرار د معاش د جنګ له لاری کوی که عسکر دی او که طالبان. یو ملک چی اقتصاد ونلری خلګ یی ځانونه د پردیو پر اقتصاد پوری تړی او د پردیو په امر سره کار کوی، که دا کار… نور لوستل »