ګډحکومت د ازادۍ ورځې په څلور ترانو ۲۰ میلیونه افغانۍ مصرفوي

نن ټکی اسیا (شنبه، ۲۶ زمری، ۱۳۹۸ل): ګډحکومت د پوهنې وزارت د ازادۍ ورځې د څلور ترانو جوړولو لپاره ۲۰ میلیونه افغانۍ ځانګړې کړي دي.

ګډحکومت د پوهنې څلور ترانې جوړولو لپاره ۸۰۰ نجونې او هلکان د افغانستان د ۳۴ ولایتون او ټولو قومونو څخه پلازمېنې کابل ته دعوت کړي وو چې له منځه يې ۱۰ ماشومان د ترانو تهیه کولو لپاره خاص کړل.

د چارو شننونکي وايي چې په ۴ ترانو ۲۰ میلیونه افغانۍ اسراف دی او پر دې پیسو ۵۰۰زره جلده کتابونه د ماشومانو لپاره چاپیدلای شول.

خو د پوهنې وزارت ویاند نوریه نزهت بیا وايي چې متعلمین یواځې مکتب، کتاب، قلم او قرطاسیې ته اړتیا نه لري بلکې د دوی استعدادونه باید وپېژندل شي. هغې زیاته کړې چې مهمه نه ده چې د ښوونځیو فارغان دې ټول ډاکتران یا هم انجنیران شي.

د افغانستان د انګریزي ښکېلاک څخه د ازادۍ سلمې کلیزې د لمانځلو لپاره ماليې وزارت ۳۸۴ میلیونه افغانۍ ځانګړې کړي دي چې ډیری افغانان يې د ولسمشریزو ټاکنو لپاره د اشرف غني کمپاین یوه برخه بولي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د