افغانستاننړۍ

پېښور: پولیسو هغه افغان خوشې کړ چې بورډ بازار کې يې افغان بیرغ پورته کړی و

نن ټکی اسیا (شنبه، ۲۶ زمری، ۱۳۹۸ل): د پېښور پولیسو هغه افغان خوشې کړی دی چې د پاکستان د ازادۍ په ورځ يې د بورډ بازار په یوه سوداګریزه لوحه افغانستان بیرغ پورته کړی و.

په پاکستان کې د افغانستان سفیر لطف الله مشعل پر خپلې فیسبوک پاڼې د یاد افغان د خوشې کیدو خبر ورکړی دی.

مشعل پر خپله فیسبوک پاڼه لیکلي چې «افغان ځوان نعمت الله نن رسما د سفارت په جدي او متواترو هڅو له بند څخه خلاص او له خپلې کورنۍ سره یوځای شو».

د مشعل پر باور نعمت الله «له افغانستان سره د سپېڅلې مینې له امله د هېواد ملي بیرغ په پېښورښارکې ځړولی وه او هیڅ کوم بل هدف یې نه درلود».

تر دې وړاندې پولیسو ځايي رسنیو ته ویلي وو چې نعمت الله په نوم یو افغان چې په بورډ بازار کې یې سبزي خرڅوله په یوې سوداګریزې لوحې د افغانستان بیرغ لګولی و چې انځورونه يې پر ټولنیزو رسنیو خپاره او د ټاون ۳ مسوولینو بیا راښکته کړ.

پولیس نوموړی افغان د افغانانو د تحریکولو او د مهاجرینو او ځايي خلکو تر منځ د تفرقې اچولو په تور نیولی و.

پېښور میشتي حقوقپوهان ویل چې د پاکستان په قوانینو کې د بل هیواد بیرغ لګولو په تړاو مشخصه ماده نشته خو که دا کار د امنیت د ګډوډلو په موخه شوی وي نو د قانون له مخې جرم دی.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
محمد

ډير ښه سوي دي کشکي افغان چارواکي په افغانستان کې دننه هم پر خپلو افغانانو غيرت وکړي او په کورو يې چاپې ونه وهي

اجمل

خپله خاوره یی ده ښه کار یی کړی وه. نوش جان خپل افغانی غیرت یی ښکاره کړ.

حکیمي

داپه کابل کې چي هزاره ګان دایران بیراغونه پورته کوي ولې یې حکومت مخنیوی نه کوي

Back to top button
3
0
ستاسو نظر مونږ ته دقدر وړ دی، راسره شریک یې کړئx
()
x