اسرائيلي يرغلګرو درې فلسطينيان وژلي

نن ټکی اسیا (يکشنبه، ۲۷ زمری، ۱۳۹۸ل): د فلسطين په غزه کې اسرائيلي يرغلګرو درې فلسطينيان وژلي او ګڼ نور يې ژوبل کړي دي.

د فرانسې اې ايف پي خبري اژانس د فلسطين د عامې روغتيا وزارت د چارواکو له قوله ليکلي، اسرائيلی عسکرو غزې تړانګه کې د ازغن تار ته څېرمه پر فلسطينيانو ناتاره ډزې کړي دي.

د اسرائيلو دفاع وزارت وايي، غزې تړانګې ته څېرمه له ازغن تاسره يې فلسطينيان په مشکوک فعاليت ليدلي، چې له امله يې د چورلکو او ټانکونو په واسطه په نښه شوي دي.

د اسرائيلو او فلسطينيانو ترمنځ دا تاوتريخوالی په داسې کې رامنځته شوی، چې څو ورځې وړاندې د بیت المقدس جنوب سیمه کې اسرائيلي یرغلګرو د فلسطينيانو لسګونه کورنه نړولي او هغه يې ناقانونه بللي دي.

اسرائيلي عسکر سيمې ته خبريالان نه پرېږدي او د سيمې اصلي اوسېدونکي يې له خپلو کورنو شړلي دي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د