د دیني عالم «مولوي سدوزی اغا» جنازه په قطر کې خاورو ته وسپارل شوه / ویډیو
نن ټکی اسیا (دوشنبه، ۲۸ زمری، ۱۳۹۸ل): د طالبانو د سیاسي دفتر پخواني مشر طیب اغا پلار چې د هیواد تکړه دیني عالم او جهادي شخصیت وو، تېره ورځ سهار مهال په قطر کې وفات شو او جنازه یې په همدې هیواد کې خاورو ته وسپارل شوه.
د نوموړي په جنازه کې د طالبانو سیاسي دفتر مشرانو ، ګڼ شمېر عامو افغانانو، په قطر کې د افغان سفیر او قطریانو ګډون کړی وو.
مولوي سدوزی اغا چې په دې ورستیو کې د قطر په پلازمېنه «دوحه» کې مېشت وو، د تېر جهاد مجاهد وو او هماغه مهال یې خپل دوه زامن له روسانو سره په وسلواله مبارزه کې قرباني کړي وو چې د «لالا ملنګ» په نامه زوی یې د کندهار د مشهورو جهادي قوماندانانو له ډلې څخه یو وو.
طالبانو د یوې اعلامیې له لارې د نوموړي په مړینه خواشینې ښودلې، د نوموړي کورنۍ ته یې تسلیت ویلی او د سدوزي اغا مړینه یې ستره ضایعه بللې.
د مشهور دیني عالم او جهادي شخصیت سید سدوزي اغا جنازه نن ماسخوتن د نوموړي د زوي حافظ یونس په امامت ادا او د قطر په مسیمیر هدیره کې خاورو ته وسپارل شوه pic.twitter.com/fQYEfJo4IH
— nunn.asia (@nunnasia) August 18, 2019
د کندهار مشهور ديني عالم سدوزي اغا جنازه قطر کي خاورو ته وسپارل شوه. pic.twitter.com/IH2NVwNsK5
— nunn.asia (@nunnasia) August 19, 2019
